საწარმო რომელში ქართული ინოვაციური პროდუქტის წარმოებაა დაგეგმილი, 2020 წელს ამოქმედდება
ნავიგატორი
697


საწარმო რომელში ქართული ინოვაციური პროდუქტის წარმოებაა დაგეგმილი, 2020 წელს ამოქმედდება

დღეს, პროგრამის „აწარმოე საქართველოში“ ბენეფიციარის, „აპტოსის“ ძაფების საწარმოო კომპლექსის საძირკველის ჩაყრის ღონისძიება გაიმართა.

„აპტოსი“ სახისა და სხეულის დასაჭიმი მსოფლიოში ცნობილი აპტოსის ძაფების გამომგონებელი და მწარმოებელი ქართული კომპანიაა, 23 წლიანი ისტორიით. ეს პირველი ქართული კომპანიაა, რომელსაც CE [Conformité Européene] ნიშანი აქვს სამედიცინო პროდუქტზე, რაც ევროპის ნებისმიერ ქვეყანაში ექსპორტის საშუალებას იძლევა. დღევანდელი მონაცემებით, აპტოსის ძაფები 50-ზე მეტ ქვეყანაში იყიდება ფართომასშტაბიანი სადისტრიბუციო ქსელის მეშვეობით.

„„ეს პროექტი განსაკუთრებით მისასალმებელია, რადგან ესაა ერთ-ერთი პროექტი, რომელიც გამიზნულია, რომ საქართველოში ვაწარმოოთ ინოვაციური, მაღალტექნოლოგიური პროდუქცია, და რაც მთავარია, ეს პროდუქცია შექმნილია ქართველების მიერ. ამასთან, ეს არის აგრეთვე საექსპორტო პროდუქცია, რაც აორმაგებს ამ პროექტის მნიშვნელობას“, - აღნიშნა ეკონომიკის მინისტრმა.

ამჟამად აპტოსის ძაფები იწარმოება რუსეთსა (რუსეთის და ჩინეთის ბაზრისთვის) და გერმანიაში (გლობალური ბაზრისთვის). ეს მთლიანად ქართული ონოვაციური გამოგონება „Made in Germany”-ს სახელით ხვდება მსოფლიოს რამდენიმე ათეული ქვეყნის პლასტიკური და ესთეტიკური მედიცინის სპეციალისტების სამუშაო სივრცეში.

პროექტის „აწარმოე საქართველოში“ ფარგლებში, კომპანიამ ისარგებლა ინფრასტრუქტურული მხარდაჭერით, კერძოდ სახელმწიფო ქონების ეროვნული სააგენტოს მხარდაჭერით, კომპანიას გადაეცა 10 000 კვ.მ მიწის ნაკვეთი, ხოლო 2019 წლის მარტში, ისარგებლა პროგრამის ფინანსებზე ხელმისაწვდომობის კომპონენტით, რაც იმას ნიშნავს, რომ პირველი ორი წლის განმავლობაში პროცენტის თანადაფინანსებას სააგენტო „აწარმოე საქართველოში განახორციელებს.

 გიორგი ქობულიას განცხადებით, მთავრობა ასეთ პროექტებს მაქსიმალურად, დაუდგება გვერდში. „ასეთი პროექტები შეიძლება საქართველოს ეკონომიკის მამოძრავებელი გახდეს, ეს ის პროექტებია, რომლებიც სიღარიბეს დაგვაძლევინებს. მსგავსი პროექტის დაწყება კიდევ ერთი დასაბუთებაა, რომ საქართველოში კარგი ბიზნესგარემოა, საქართველო მზად არის, ასეთი პროექტები მიიღოს და განავითაროს“, - აღნიშნა გიორგი ქობულიამ.

საწარმო 2020 წლის დეკემბერში ამოქმედდება, ის წლიურად 300 000 ერთეული პროდუქციის წარმოებას შეძლებს. ამოქმედების პირველ ეტაპზე 100 ადამიანი დასაქმდება, ხოლო პროექტის ინვესტიციის ჯამური მოცულობა 15 მლნ ლარს შეადგენს.

მნიშვნელოვანია აღინიშნოს პროექტის სტრატეგიული უპირატესობა, რომელიც წარწერის „Made in Germany-ს „Made in Georgia”-თი ჩანაცვლებას გულისხმობს. პროდუქტი საერთაშორისო ბაზრებზე სწორედ აღნიშნული წარწერით გავა. კომპანია შემდეგი ორი წლის განმავლობაში გეგმავს ისეთ ბაზრებზე შესვლას როგორიცაა ბრაზილია, აშშ, კანადა, მექსიკა, ტაილანდი, სინგაპური.

22-03-2019

წყარო: აწარმოე საქართველოში

04-04-2019

Black Sea Arena-ს ახალი დირექტორი ჰყავს

29-10-2019

გარემოს დაცვისა და სოფლის მეურნეობის სამინისტრომ „აკვაკულტურის შესახებ“ ახლი კანონპროექტი წარადგინა

15-02-2019

კომპანია „ფერი“ კახეთში და ონში 365 მილიონი აშშ დოლარის ღირებულების ჰესების კასკადის მშენებლობას გეგმავს

22-03-2019

საუდეთი ახალი ტურისტული ადგილისთვის 20 მილიარდ დოლარს დახარჯავს

22-03-2019

საუდეთი ახალი ტურისტული ადგილისთვის 20 მილიარდ დოლარს დახარჯავს

04-04-2019

Black Sea Arena-ს ახალი დირექტორი ჰყავს

29-10-2019

გარემოს დაცვისა და სოფლის მეურნეობის სამინისტრომ „აკვაკულტურის შესახებ“ ახლი კანონპროექტი წარადგინა

15-02-2019

კომპანია „ფერი“ კახეთში და ონში 365 მილიონი აშშ დოლარის ღირებულების ჰესების კასკადის მშენებლობას გეგმავს


სიახლეების გამოწერა


















Copyright 2018. www.projects.org.ge. All Rights Reserved.
ვებსაიტი დამზადებულია და ატვირთულია projects.org.ge-ის მიერ