ონლაინ-გაყიდვის გიგანტი Amazon-ი და სამხრეთ ამერიკის 8 ქვეყანა უკვე 7 წელია დაობს კორპორაციის ვებგვერდის სახელზე amazon. ამის შესახებ ინფორმაციას BBC ავრცელებს.

სახელი ამაზონი ორ რამესთან ასოცირდება - გლობალური ონლაინ-მაღაზია და მსოფლიოში ყველაზე დიდი ტროპიკული ტყე.

სახელებისა და ნომრების მისაკუთრების ინტერნეტ-კორპორაციამ (ICANN), რომელიც მსოფლიო ქსელის მისამართებს აკვირდება, 2012 წელს გააფართოვა თავისი ტოპ-დომეინების (gTLD) სია - ნაწილი, რომელიც ვებმისამართში წერტილის შემდეგ მოდის. 

ახალმა წესებმა კომპანიებს თავიანთ ვებსახელების უფრო მეტი პერსონიფიკაციის საშუალება მისცათ, თუმცა ამაზონის ტყის რვა ქვეყანა დომეინ .amazon-ის სახელის წინააღმდეგ გამოვიდა.

ბოლივია, ბრაზილია, კოლუმბია, ეკვადორი, გაიანა, პერუ, სურინამი და ვენესუელა - რვავე ქვეყანა ამაზონის შეთანხმების ACTO-ს წევრები არიან. ისინი აცხადებენ, რომ საკუთარ სახელზე უარის თქმა კორპორაციის სასარგებლოდ, მათ სუვერენიტეტს დააყენებს კითხვის ქვეშ.

საბოლოო გადაწყვეტილება 7 აპრილს გახდება ცნობილი.