თუშეთის გზის სარეაბილიტაციო სამუშაოების ჩატარება ახალ კომპანიას დაევალა
ნავიგატორი
1674


თუშეთის გზის სარეაბილიტაციო სამუშაოების ჩატარება ახალ კომპანიას დაევალა

თუშეთის საავტომობილო გზის სარეაბილიტაციო სამუშაოები რამდენიმე დღეში დაიწყება, ამის შესახებ imedinews-ს ახმეტის მერმა განუცხადა. იოსებ ქარუმაშვილის ინფორმაციით, თუშეთის მიმართულებით გზა სავარაუდოდ, მაისის ბოლოს გაიხსნება.

ცნობილია ტენდერში მონაწილე ერთადერთი კომპანია, რომელიც შესაძლოა თუშეთის გზის შეკეთება და მისი მოვლა-პატრონობა უზრუნველყოს. კომპანიამ ,,არელი" საქართველოს საავტომობილო გზების დეპარტამენტის მიერ გამოცხადებულ ელექტრონულ ტენდერში მონაწილეობა მიიღო.

უწყებაში განმარტავენ, რომ მათთან ხელშეკრულება ჯერ არ გაფორმებულა და ეს პროცედურა მას შემდეგ დაიწყება, როცა დარწმუნდებიან რომ კომპანია არსებულ ვალდებულებებს სრულყოფილად შეასრულებს. ტენდერის შესყიდვის საწყისი ღირებულება 1 მილიონ 30 ათასი ლარია.

მანამდე გზის ამ მონაკვეთის მოვლა-პატრონობას 2017 წელს გამარჯვებული კომპანია ,,გერალი" მორიგებით ნაწილში კიდევ ორი კვირა შეასრულებს. როგორც კომპანიის წარმომადგენელი ლევან წიკლაური ამბობს, ისინი უღელტეხილის გახსნაზე პასუხისმგებლები აღარ არიან, თუმცა მეწყერის ან ხეების მიერ გზის ჩახერგვის შემთხვევაში პრობლემის მოგვარებას ამ ეტაპზე ისევ უზრუნველყოფენ.

,,ტენდერი ჩატარდა და ფასით სხვა კომპანიამ გაიმარჯვა. ჩვენ მაქსიმუმ ორი კვირა დავრჩებით და რაც სამუშაოები გვაქვს იმას დავასრულებთ. ტენდერის მიხედვით, 24 თვის განმავლობაში სამუშაოების საწყისი ღირებულება 1 მილიონ 30 ათასი ლარი იყო. აქედან ფასების მიხედვით დეპარტამენტს იმ კომპანიამ 20%-მდე ფასდაკლება შესთავაზა"- ამბობს კომპანია ,,გერალის" წარმომადგენელი ლევან წიკლაური.

თუშეთის საავტომობილო გზა მაისის შუა რიცხვებიდან ოქტომბრის ბოლომდე დიდთოვლობის გამო, 6 თვის განმავლობაში იკეტება. ზამთრის პერიოდში თუშეთში მხოლოდ ვერტმფრენის საშუალებით მოხვდებით.

10-04-2019

წყარო: imedinews.ge

01-05-2019

ირაკლი ლექვინაძე - მნიშვნელოვანია, რომ მუშა პროცესში ისმოდეს ბიზნესის ხმა

27-05-2019

Get Erasmus+ experience!

11-04-2019

Xiaomi-ს დამფუძნებელმა ბონუსად $957 მილიონი მიიღო

06-09-2019

სურსათის სააგენტომ დაასახელა სავარაუდო წყარო, საიდანაც „სუდანის ჯგუფის“ საღებავები საწებლებში მოხვდა

06-09-2019

სურსათის სააგენტომ დაასახელა სავარაუდო წყარო, საიდანაც „სუდანის ჯგუფის“ საღებავები საწებლებში მოხვდა

01-05-2019

ირაკლი ლექვინაძე - მნიშვნელოვანია, რომ მუშა პროცესში ისმოდეს ბიზნესის ხმა

27-05-2019

Get Erasmus+ experience!

11-04-2019

Xiaomi-ს დამფუძნებელმა ბონუსად $957 მილიონი მიიღო


სიახლეების გამოწერა











Copyright 2018. www.projects.org.ge. All Rights Reserved.
ვებსაიტი დამზადებულია და ატვირთულია projects.org.ge-ის მიერ