მიმდინარე წლის 17 აპრილიდან ევროკავშირის მხარდაჭერით მიმდინარე პროექტის „ეს წალკაა“ ფარგლებში CENN იწყებს სათემო მობილიზაციის შეხვედრებს წალკის მუნიციპალიტეტის 18 სოფელსა და ქალაქ წალკაში.

სათემო მობილიზაციის მიზანია ყველა დაინტერესებული პირისათვის ინფორმაციის მიწოდება პროექტის ფარგლებში დაგეგმილი საქმიანობების და სოფლისგანვითარების ევროპული მოდელის – LEADER მიდგომის შესახებ.

სათემო შეხვედრებში მონაწილეობას მიიღებენ ადგილობრივი მაცხოვრებელები, რომლებიც წარმოადგენენ სხვადასხვა სათემო ჯგუფებს – საგანმანათლებლო ორგანიზაციებს, მეწარმეებს, კოოპერატივებს, ადგილობრივ ხელისუფლებას, კულტურული და სათემო სერვისების მიმწოდებლებს. შეხვედრებისას, განსაკუთრებული ფოკუსი გაკეთდება ქალების, ახლაგაზრდების, მოწყვლადი ჯგუფების ჩართულობის უზრუნველყოფაზე. შეხვედრების დროს განიხილება ადგილობრივი განვითარების გამოწვევები და ადგილობრივთა საერთო ინტერესები.

სათემო მობილიზაციის შეხვედრების განრიგი:

დამატებითი ინფორმაციისათვის, დაგვიკავშირდით:

მელანო ტყაბლაძე

პროექტის „ეს წალკაა“ მენეჯერი, CENN

+995 595 11 97 03

melano.tkabladze@cenn.org

პროექტს „ეს წალკაა“ ევროკავშირის ფინანსური მხარდაჭერით ახორციელებს CENN, საქართველოს ფერმერთა ასოციაციასთან (GFA) და სოფლისგანვითარების კვლევით ინსტიტუტთან (Ifls) თანამშრომლობით. პროექტის საერთო ბიუჯეტია 2.4 მილიონი ევროა. ENPARD-ის ფარგლებში ევროკავშირი უკვეახორციელებს მსგავს პროექტებს ბორჯომის, ლაგოდეხის, ყაზბეგის, ქედის, ხულოს, დედოფლისწყაროს, თეთრიწყაროსა და ახალქალაქის მუნიციპალიტეტებში. მიმდინარე წელს, ევროკავშირის დაფინანსებით, სოფლის განვითარების კიდევ ოთხი ახალი პროექტის განხორციელება დაიწყება, კერძოდ წალკის, ახმეტის, წყალტუბოსა და მესტიის მუნიციპალიტეტებში.

ევროკავშირი მხარს უჭერს სოფლის მეურნეობასა და სოფლის განვითარებას საქართველოში ENPARD-ის პროგრამის დახმარებით. პროგრამა ხორციელდება2013 წლიდან და მისი მთლიანი ბიუჯეტი შეადგენს 179.5 მილიონ ევროს. ENPARD-ის ძირითადი მიზანი საქართველოში სოფლად სიღარიბის დაძლევაა. პროგრამის პირველი ფაზის პრიორიტეტი სოფლის მეურნეობის განვითარების ხელშეწყობა იყო, ხოლო მეორე და მესამე ფაზა მიზნად ისახავს სოფლადმცხოვრები ადამიანების ეკონომიკური განვითარების შესაძლებლობების შექმნას არამარტო აღნიშნულ სექტორში. მეტი ინფორმაციისათვის ეწვიეთ ENPARD-ისვებ–გვერდს: www.enpard.ge.