თურქეთიდან იმპორტი 6.4%-ით გაიზარდა, საქართველოდან თურქეთში ექსპორტი კი 24%-ით შემცირდა
ნავიგატორი
1088


თურქეთიდან იმპორტი 6.4%-ით გაიზარდა, საქართველოდან თურქეთში ექსპორტი კი 24%-ით შემცირდა

საქართველოს სტატისტიკის ეროვნული სამსახურის წინასწარი მონაცემებით, მიმდინარე წლის იანვარში თურქეთიდან 90.7 მლნ დოლარის იმპორტი განხორციელდა, რაც 6.4%-ით აღემატება გასული წლის მაჩვენებელს.

თურქეთი უმსხვილეს საიმპორტო ქვეყნებს შორის პირველ ადგილს იკავებს. მისი წილი მთლიან იმპორტში 15.4%-ია.

ამასთან, საქართველოდან თურქეთში ექსპორტი 24%-ით 21.3 მლნ დოლარამდე შემცირდა. თურქეთის წილი მთლიან ექსპორტში 8.9%-ს იკავებს და ის უმსხვილეს საექსპორტო ქვეყნებს შორის მეოთხე ადგილზეა.

ძირითადი პროდუქტი, რომელიც საქართველოში თურქეთიდან შემოდის, არის: მედიკამენტები, მზა ნაწარმი ტანსაცმლის თარგების ჩათვლით, რეზინის პნევმატური სალტეები და საბურავები, მეტალოკონსტრუქციები, მავთულები და კაბელები.

საქართველოდან კი თურქეთში ექსპორტზე გადის: სპილენძის მადნები და კონცენტრატები, ნახევარფაბრიკატები ნახშირბადიანი ფოლადისაგან, ტრიკოტაჟის ნაწარმი, ფეროშენადნობები.

საქსტატის ცნობით, 2019 წლის იანვარში საქართველოში საქონლით საგარეო სავაჭრო ბრუნვამ 826.8 მლნ აშშ დოლარი შეადგინა. წინა წლის ანალოგიურ პერიოდთან შედარებით ექსპორტი 7.2%-ითაა გაზრდილი და 238.8 მლნ აშშ დოლარს შეადგენს. იმპორტი 1.1%-ით 588 მლნ აშშ დოლარამდე შემცირდა. საქართველოს უარყოფითმა სავაჭრო ბალანსმა 349.2 მლნ აშშ დოლარი და საგარეო სავაჭრო ბრუნვის 42.2% შეადგინა.

20-02-2019

წყარო: bpn

04-04-2019

საქართველოს ბანკი BOG Fintech-ის განვითარების მიზნით საუნივერსიტეტო პროგრამას ახორციელებს

28-02-2019

შეხვედრა პროექტი „SAY YES“ „თქვი კი“.

15-02-2019

დღეიდან, სახანძრო უსაფრთხოების კუთხით შენობა-ნაგებობების შემოწმება იწყება

29-05-2019

ვენესუელაში ჰიპერინფლაციამ 130 000%-ს გადააჭარბა

29-05-2019

ვენესუელაში ჰიპერინფლაციამ 130 000%-ს გადააჭარბა

04-04-2019

საქართველოს ბანკი BOG Fintech-ის განვითარების მიზნით საუნივერსიტეტო პროგრამას ახორციელებს

28-02-2019

შეხვედრა პროექტი „SAY YES“ „თქვი კი“.

15-02-2019

დღეიდან, სახანძრო უსაფრთხოების კუთხით შენობა-ნაგებობების შემოწმება იწყება


სიახლეების გამოწერა














Copyright 2018. www.projects.org.ge. All Rights Reserved.
ვებსაიტი დამზადებულია და ატვირთულია projects.org.ge-ის მიერ