სახელმწიფო 50 000-200 000 ლარამდე სესხების გარანტორად გამოვა
projects.org.ge
prjects.org.ge
ნავიგატორი
385


სახელმწიფო 50 000-200 000 ლარამდე სესხების გარანტორად გამოვა

მთავრობის მიერ დაანონსებული საკრედიტო-საგარანტიო მექანიზმი მიმდინარე წლის 1 აპრილიდან ამოქმედდება, რომლის ფარგლებშიც, მცირე და საშუალო ბიზნესის მიერ მიღებული საბანკო კრედიტის მაქსიმუმ 70%-ის გარანტორი საკრედიტო-საგარანტიო სქემა იქნება.

 

2019 წლის ბიუჯეტში საკრედიტო საგარანტიო სქემის ფარგლებში გაცემული სესხების უზრუნველყოფისთვის 20 მლნ ლარია გათვალისწინებული.

 

აღნიშნული სქემა "აწარმოე საქართველოში" სააგენტოს ქვეშ ამოქმედდება, რომელიც განახორციელებს სქემის ადმინისტრირებას/ოპერირებას. სქემა დაფუძნებული იქნება პორტფელის გარანტიებზე და სესხის შეფასება განხორციელდება ბანკის მიერ.

 

სააგენტოში განმარტავენ, რომ საწარმოთა გამოკითხვაზე დაფუძნებული არაერთი კვლევა ადასტურებს, რომ ფინანსებზე ხელმისაწვდომობა, განსაკუთრებით - მცირე და საშუალო ზომის საწარმოებისთვის, ჯერჯერობით, კვლავ მნიშვნელოვან პრობლემად რჩება. სწორედ მცირე და საშუალო ზომის საწარმოების ფინანსებზე წვდომის გაუმჯობესებისთვის იქმნება საკრედიტო-საგარანტიო მექანიზმი.

 

მათი თქმით, საკრედიტო საგარანტიო სქემა მნიშვნელოვნად შემცირებს არასაკმარისი უზრუნველყოფით გამოწვეული ფინანსებზე წვდომის პრობლემას მცირე და საშუალო ბიზნესისთვის და დამატებითი ბიძგს მისცემს ეკონომიკის და დასაქმების ზრდას.

 

"საკრედიტო-საგარანტიო სქემის ფარგლებში გარანტია გაიცემა საქართველოს მთავრობის მიერ განსაზღვრულ პრიორიტეტულ სექტორებში, როგორიცაა - წარმოება, გადამუშავება, ექსპორტზე ორიენტირებულ საქონელი და მომსახურება( მათ შორის BPO), განათლება და სხვა. საკრედიტო-საგარანტიო სქემის ბენეფიციარი შეიძლება იყოს ყველა ის რეზიდენტი მეწარმე-სუბიექტი, რომლის ბრუნვა არ აღემატება 20 000 000 (ოც მილიონ) ლარს.

 

აღსანიშნავია რომ, სქემის ფარგლებში გარანტიები გაიცემა მხოლოდ ლარის სესხებზე, რომელთა მოცულობაც 50 000 ლარიდან 2 000 000 ლარამდე იქნება.

 

საკრედიტო-საგარანტიო სქემის კონცეფცია ამჟამად დამუშავებისა და შეთანხმების პროცესშია ეროვნულ ბანკთან და ფინანსთა სამინისტროსთან, შესაბამისად შეიძლება მისი კორექტირება მოხდეს", - აცხადებენ სააგენტოში.

15-02-2019

წყარო: commersant.ge

15-02-2019

რატომ ეწინააღმდეგებიან ზემომთიან აჭარაში „მაჭახელა ჰესის“ მშენებლობას

13-03-2019

საქართველოში საქონლით საგარეო სავაჭრო ბრუნვა 3.6%-ით გაიზარდა

31-03-2019

„უახლოესი 6 წლისთვის ჩვენ გვაქვს ამბიციური გეგმა, ქვეყანაში დამატებით, დაახლოებით, 100 000 ჰექტარი გასარწყავიანდება"

25-11-2019

ფსიქოაქტიური ნივთიერებების მოხმარების შედეგები ქალებში

25-11-2019

ფსიქოაქტიური ნივთიერებების მოხმარების შედეგები ქალებში

15-02-2019

რატომ ეწინააღმდეგებიან ზემომთიან აჭარაში „მაჭახელა ჰესის“ მშენებლობას

13-03-2019

საქართველოში საქონლით საგარეო სავაჭრო ბრუნვა 3.6%-ით გაიზარდა

31-03-2019

„უახლოესი 6 წლისთვის ჩვენ გვაქვს ამბიციური გეგმა, ქვეყანაში დამატებით, დაახლოებით, 100 000 ჰექტარი გასარწყავიანდება"


სიახლეების გამოწერა


2019 Dec
  • ორშ
  • სამ
  • ოთხ
  • ხუთ
  • პარ
  • შაბ
  • კვი
პროექტის პარტნიორები





















Copyright 2018. www.projects.org.ge. All Rights Reserved.
ვებსაიტი დამზადებულია და ატვირთულია projects.org.ge-ის მიერ