25 მარტს, 10:30 საათზე, სასტუმროში „თბილისი რუმს“, საქართველოს პარლამენტი იმსჯელებს საპარლამენტო რეფორმის მიმდინარეობასა და პირველად შედეგებზე.
 პარლამენტის თავმჯდომარე, ირაკლი კობახიძე, და პარლამენტის თავმჯდომარის პირველი მოადგილე, თამარ ჩუგოშვილი, შეაჯამებენ პარლამენტის რეგლამენტის ახალი რედაქციის მიღებიდან 100 დღეში მიღწეულ შედეგებს.
 შეხვედრის მონაწილეებს მიმართავენ კარლ ჰარცელი, ევროკავშირის ელჩი საქართველოში, და ლუიზა ვინტონი, გაეროს განვითარების პროგრამის (UNDP) ხელმძღვანელი საქართველოში.
 ღონისძიების ორგანიზატორია საქართველოს პარლამენტი, ხოლო ხელშემწყობები - ევროკავშირი (EU) და გაეროს განვითარების პროგრამა (UNDP).