სამინისტროს სააგენტოს „აწარმოე საქართველოში“ ორგანიზებით, 12-მა ქართულმა კომპანიამ საკვები და სასმელი პროდუქციის წამყვან საერთაშორისო გამოფენაში „Gulfood 2019” მიიღო მონაწილეობა.

ქართულმა პროდუქციამ დიდი დაინტერესება დაიმსახურა შუა აღმოსავლეთის ქვეყნებისგან, კერძოდ: არაბთა გაერთიანებული საემიროები, საუდის არაბეთი, ინდოეთი, ჩრდილოეთ აფრიკის რამდენიმე ქვეყანა და ა.შ. აღსანიშნავია, რომ ამჟამადაც მიმდინარეობს მოლაპარაკებები დუბაიში არსებულ ერთ-ერთ უდიდეს კომპანიასთან „Aswaaq”, ქართული პროდუქციის დახლებზე განთავსებასთან დაკავშირებით. არაბულ კომპანიას ამჟამად 18 სუპერმარკეტების ქსელი აქვს, ხოლო წლის ბოლოს რიცხვი 50-მდე გაიზრდება. 

GULFOOD 2019 არაბთა გაერთიანებულ საემიროების უმხსვილესი გამოფენაა, რომელიც ბოლო 20 წლის მანძილზე სასმელი და საკვები პროდუქციის ინდუსტრიაში მოღვაწე საერთაშორისო კომპანიებს აერთიანებს მსოფლიოს სხვადასხვა კუთხიდან. გამოფენას 185 ქვეყნიდან 97 000-ზე მეტი ვიზიტორი დაესწრება, ხოლო მონაწილე კომპანიების რაოდენობა 5 000-ს აღემატება. 

შენიშვნა:
საერთაშორისო გამოფენაში მონაწილეობა მიიღეს შემდეგმა ქართულმა კომპანიებმა: შპს „აგროლეინი“; შპს „ჯორჯიან პროდაქტს რენესანს“; შპს „არომაპროდუქტი“; შპს „ბარამბო“; შპს „Georgian Hazelnut Corporation”; შპს ‘ჯორჯიან ნექტარი“; შპს „აქვა გეო“; კამპა; სს ქართული ლუდის კომპანია; შპს „ბბ კომპანი“; შპს „ტურალ გრუფი“; შპს „ანკა ფეარ თრეიდ“.