|
344 |
---|
ნეაპოლში მდებარე Apple-ის დეველოპერების აკადემია განაცხადების მიღებას იწყებს
იტალიაში ნეაპოლის ფედერიკო II-ის სახელობის უნივერსიტეტი და Apple მსოფლიოს — მათ შორის, აღმოსავლეთ პარტნიორობის ქვეყნების — სტუდენტებს სასწავლებლად იწვევს. ევროკავშირის მიერ მხარდაჭერილი Apple-ის დეველოპერების აკადემია 2023/2024 იმ სტუდენტებისთვისაა განკუთვნილი, ვისაც მსოფლიოს ყველაზე ინოვაციურ და აქტიურ ტექნოლოგიურ ეკოსისტემაში შებიჯება სურს. ამ გზით ისინი შეძლებენ, ეკონომიკის ამ სულ უფრო მზარდ და განვითარებად დარგში თავიანთ კარიერას ჩაუყარონ საფუძველი. აკადემიის მიზანი მრავალფეროვანი გამოცდილების და ბიოგრაფიის მქონე სტუდენტების მოზიდვა და მათთვის მრავალმხრივი ცოდნის მიწოდებაა. კონკურსანტს უნდა ჰქონდეს მშობლიურ ქვეყანაში მიღებული და ოფიციალური დაწესებულების მიერ გაცემული საშუალო სკოლის დამთავრების აღმნიშვნელი ატესტატი. სტიპენდიებთან დაკავშირებული ინფორმაცია მოგვიანებით გამოქვეყნდება. აკადემია შერჩეულ კანდიდატებს ვიზის აღებაშიც დაეხმარება. განაცხადების შეტანის ბოლო ვადაა 21 აპრილი, ხოლო შეზღუდული შესაძლებლობის მქონე პირებისა და სპეციალური საჭიროების მქონე პირებისთვის — 14 აპრილი. დამატებითი ინფორმაცია დახურვის თარიღი:აპრილი 21, 2023
|
23-03-2023
წყარო: Apple-ის დეველოპერების აკადემია
20-12-2022 ევროკავშირის მხარდაჭერით, ‘საქართველოს პასუხისმგებელი ბიზნესის კონკურსი Meliora 2022’ დაიწყო |
---|
25-02-2019 მასწავლებელთა ყველაზე დაბალი ხელფასიც კი ევროპაში საქართველოში არსებულს 8-ჯერ აღემატება |
03-07-2019 ღვინის ეროვნული სააგენტო - ექსპორტირებული ღვინის რაოდენობა 6%-ით, ხოლო ღირებულება 9%-ით გაიზარდა |
08-04-2019 ევროპის ყველაზე იაფიანი საზაფხულო კურორტი დასახელდა |