აჭარის განათლების, კულტურისა და სპორტის სამინისტრო ტექნიკური და საბუნებისმეტყველო მიმართულებების ხელშეწყობის პროგრამის ფარგლებში  კონკურსს აცხადებს.

ტექნიკური და საბუნებისმეტყველო მიმართულებების ხელშეწყობის პროგრამის ფარგლებში გამოცხადებულ კონკურსში მონაწილეობის უფლება აქვს:

▪️აჭარის ავტონომიური რესპუბლიკის ადმინისტრაციულ ტერიტორიაზე კონკურსის გამოცხადებამდე ბოლო ერთი წლის მანძილზე რეგისტრირებულ საქართველოს მოქალაქეებს (სტუდენტი);

▪️სტუდენტებს, რომლებიც სწავლობენ ავტორიზებულ უმაღლეს საგანმანათლებლო დაწესებულებებში, აკადემიური უმაღლესი განათლების პირველი (ბაკალავრიატი) და მეორე (მაგისტრატურა) საფეხურის აკრედიტებულ საგანმანათლებლო პროგრამებზე - STEM მიმართულებით: 

▫️ 05 - საბუნებისმეტყველო მეცნიერებები, მათემატიკა და სტატისტიკა;

▫️06 - ინფორმაციისა და კომუნიკაციის ტექნოლოგიები;

▫️07 - ინჟინერია, წარმოება და მშენებლობა;

▫️08 - სოფლის მეურნეობა, მეტყევეობა, მეთევზეობა, ვეტერინარია.

▪️სტუდენტებს, რომლებსაც აქვთ აქტიური სტუდენტის სტატუსი და ბოლო სემესტრის აკადემიური მოსწრების ქულა საშუალო არითმეტიკულით არის 81% და მეტი.

განაცხადების მიღება იწარმოებს 2023 წლის 1 აგვისტოდან 31 აგვისტოს 18:00 საათამდე.

დაინტერესებულ პირებს განაცხადებისა და დამატებითი დოკუმენტაციის წარმოდგენა შეუძლიათ სამინისტროში მატერიალური ფორმით (მისამართი: ქ. ბათუმი, ლ. გუდიაშვილის ქ. N4)

დეტალური ინფორმაცია იხილეთ ბმულზე: http://adjara.gov.ge/branches/description.aspx?pid=3598&gid=6&ppid=12

წყარო: აჭარის ავტონომიური რესპუბლიკის მთავრობის ერთიანი პორტალი