მიმდინარე წელს უკვე 6 მიკროსაფინანსო ორგანიზაცია გაუქმდა.

კერძოდ, როგორც ეროვნული ბანკის ვებგვერდზეა აღნიშნული, დღეის მდგომარეობით საქართველოში 61 მიკროსაფინანსო ორგანიზაცია ფუნქციონირებს, მაშინ როცა 2018 წლის დეკემბერში ეს რიცხვი - 67 იყო.

„ბიზნესპრესნიუსი“ მიკროსაფინანსო ორგანიზაციები გაუქმების შესახებ პერიოდულად წერდა. შეგახსენებთ, რომ იანვარ-მარტის პერიოდში შემდეგი მიკროსაფინანსო ორგანიზაციები გაუქმდა: ,,მისო იმპერიალ კრედიტი“, „ბი.აი.ჯი“, მიკროსაფინანსო ორგანიზაცია კაპიტალ კრედიტი“, „მიკროსაფინანსო ორგანიზაცია ემ ბი ეს“, მისო თამ კრედიტი“ და „მისო მო მანი კრედიტი“.

შეგახსენებთ, რომ ბაზრიდან რამდენიმე მიკროსაფინანსო ორგანიზაციის გასვლა საზედამხედველო კაპიტალის ზრდამ, სესხებზე საპროცენტო განაკვეთზე დაწესებულმა

ზედა ზღვარმა და კლიენტების გადამხდელუნარიანობის სრულფასოვანი ანალიზის გარეშე კრედიტის გაცემის აკრძალვამ გამოიწვია.

ცნობისთვის, სებ-ის მონაცემებით, 2018 წლის მე-4 კვარტლის მდგომარეობით, მისოების მიერ გაცემული მთლიანი სესხების მოცულობა - 1,101,531,374 ლარი იყო, აქედან, 1,080,308,722 ლარი ფიზიკურ პირებზე იყო გაცემული, წმინდა მოგება კი 31,124,732 ლარი იყო.