|
1992 |
---|
„ქართული ლუდის კომპანია“ ბულგარეთის ბაზარზე შესასვლელად ემზადება - კომპანიის მენეჯმენტისა და პოტენციურ პარტნიორებთან მოლაპარაკებები აქტიურ ფაზაში გადადის
„ქართული ლუდის კომპანია“ ბულგარეთის ბაზარზე შესასვლელად ემზადება. კომპანიის მენეჯმენტისა და პოტენციურ პარტნიორებთან მოლაპარაკებები აქტიურ ფაზაში გადადის. თუმცა ვიდრე „ქართული ლუდის კომპანიის“ პროდუქცია ბულგარეთში დახლებზე გამოჩნდება, მანამდე სოფიაში მის პოპულარიზაციაზე საქართველოს საგანგებო და სრულუფლებიანმა ელჩმა თამარ ლილუაშვილმა იზრუნა. თამარ ლილუაშვილის ინიციატივით სოფიაში სს „ქართული ლუდის კომპანიის“ მიერ წარმოებული ლუდის ბრენდების დეგუსტაცია გაიმართა. საქართველოში წარმოებულმა ლუდმა სტუმრებში დიდი მოწონება დაიმსახურა, რაც ქართული საექსპორტო პროდუქციისთვის მნიშვნელოვანი ფაქტორია. „ჩემთვის, როგორც საქართველოს სრულუფლებიანი ელჩისთვის მნიშვნელოვანია, რომ ბულგარელებს ქართული კულტურა და ქვეყანაში წარმოებული პროდუქცია უკეთ გავაცნო. მნიშვნელოვანია, რომ საქართველოში წარმოებული პროდუქცია გაიცნონ საერთაშორისო ბაზრებზე. ამ მიზნით, საქართველოს საელჩოს ეგიდით საქართველოში წარმოებული ლუდის დეგუსტაცია მოვაწყვეთ, სადაც სს "ქართული ლუდის კომპანიის" მიერ წარმოებული ადგილობრივთან ერთად საერთაშორისო ბრენდებიც იყო წარმოდგენილი. სტუმრები მართლაც აღფრთოვანებულნი დარჩნენ, "ზედაზენის" პროდუქცია ძალიან მოეწონათ. საქართველოს სახელით ამგვარ ღონისძიებებს ხშირად ვაკეთებ, თითქმის ყოველ თვე ვუთმობთ ქართული წარმოების პოპულარიზაციას. ჯერჯერობით ბულგარეთში ქართული პროდუქციის ცნობადობა დაბალია, თუმცა ყველაფერი უნდა გაკეთდეს იმისათვის, რომ ცნობადობა გაიზარდოს და ქართულ პროდუქციაზე მოთხოვნა გაჩნდეს“, აცხადებს ბულგარეთში საქართველოს საგანგებო და სრულუფლებიანი ელჩი თამარ ლილუაშვილი. |
21-02-2019
წყარო: newposts
28-10-2022 „ტოიოტა ცენტრ თბილისში“ ტოიოტას მე-16 საერთაშორისო საბავშვო კონკურსში მონაწილეობის მსურველთა რეგისტრაცია დაიწყო |
---|
05-06-2019 ვითიბი ბანკმა გამარჯვებულები დააჯილდოვა |
27-03-2019 შეხვედრა „ლე როშეს“ აღმასრულებელ დირექტორს კარლოს დიეს დე ლა ლასტრას და სახელმწიფო პროგრამის „უმასპინძლე საქართველოში“ ბენეფიციარ კომპანიებს შორის |
28-11-2022 Investing with Gender Lens - Deep Dive Workshops |