|
1416 |
---|
კადეტთა კორპუსის პროექტირებაზე კონკურსი გამოცხადდა
მერიამ თაბუკაშვილის 46-ში მდებარე კულტურული მემკვიდრეობის ძეგლის, ე.წ. კადეტთა კორპუსის პროექტირებაზე კონკურსი გამოაცხადა- ამის შესახებ თბილისის მერმა კახა კალაძემ დედაქალაქის მთავრობის სხდომაზე განაცხადა. შენობა დაახლოებით 150 წლისაა. ის თავდაპირველად დაწყებით სამხედრო სკოლას, ხოლო შემდგომ კადეტთა კორპუსს ეკუთვნოდა. 1918 წელს კი შენობა კომუნალურ საცხოვრებლად გადაკეთდა. დღესდღეობით ეს არის მეოთხე კატეგორიის ავარიულობის შენობა, რომელსაც დაახლოებით 70 მესაკუთრე ჰყავს. „თბილისის განვითარების ფონდს რამდენჯერმე ჰქონდა კომუნიკაცია მესაკუთრეებთან, რის შედეგადაც გადაწყდა, რომ პირველ ეტაპზე შემუშავდეს პროექტი, ხოლო ამ პროექტის საფუძველზე დაიწყოს შენობის სარეაბილიტაციო სამუშაოები. პროექტის შესამუშავებლად განსაზღვრულია დაახლოებით 6 თვე. "მოგეხსენებათ, ეს არის ისტორიული შენობა და ჩვენ მაქსიმალური სიფრთხილით მოვეკიდებით როგორც პროექტის შემუშავებას, ისე რეაბილიტაციის პროცესს." - აღნიშნა კახა კალაძემ. |
05-06-2019
წყარო: imedinews.ge
04-05-2019 ბიტკოინის ღირებულება ერთ დღეში 6%-ით გაიზარდა |
---|
20-02-2019 კრისტალმა 10 მილიონი ლარის ინვესტიცია მოიზიდა |
01-11-2022 სამინისტრო აგრძელებს ქართული ხარისხიანი აგროპროდუქტის ხელშეწყობას და პროგრამაში „ქართული ჩაის“ ცვლილებებს ახორციელებს |
28-02-2019 ნათია თურნავა: „ ჩვენი ქვეყნის ენერგეტიკული დამოუკიდებლობა ეკოლოგიურად სუფთა, მცირე ჰესებზე დგას" |