ევროპის რეკონსტრუქციისა და განვითარების ბანკმა (EBRD) 2023 წლის EBRD-ის ლიტერატურული პრემია გახსნილად გამოაცხადა.

EBRD-ის პრემია ბანკის ოპერირების რეგიონებში შემავალი ქვეყნების ნებისმიერ ენაზე შექმნილი საუკეთესო მხატვრული ნამუშევრის ავტორსა და მის ინგლისურ ენაზე მთარგმნელს გადაეცემა.

კონკურსისთვის მხოლოდ იმ წიგნების წარდგენაა შესაძლებელი, რომლებიც ინგლისურ ენაზე პირველად 2021 წლის 15 ნოემბრიდან 2022 წლის 14 ნოემბრამდე პერიოდში ითარგმნა. ამასთან, თარგმანი შესრულებული უნდა იყოს ევროპული (მათ შორის გაერთიანებული სამეფოს) გამომცემლობის მიერ წიგნის საერთაშორისო სტანდარტული ნომრით (ISBN) და ფასით, რომელიც დაბეჭდილია ევროპული ქვეყნის ვალუტაში.

პირველი პრიზი, 20,000 ევრო, გამარჯვებულ ავტორსა და მთარგმნელს შორის თანაბრად გაიყოფა. მეორე ადგილზე გასული ორი წიგნიდან თითოეული მიიღებს 4,000 ევროს, რომელიც ასევე თანაბრად განაწილდება ავტორსა და მთარგმნელს შორის.

კონკურსის მოკლე სია 2023 წლის მარტში გამოქვეყნდება. 2023 წლის აპრილში კი სამი ფინალისტის ვინაობა გამოცხადდება. დაჯილდოების ცერემონია ლონდონში, EBRD-ის სათავო ოფისში გაიმართება.

განაცხადების შეტანის ბოლო ვადაა 2022 წლის 30 ნოემბერი.

EBRD-ის 2022 წლის ლიტერატურული პრემია ცნობილი უკრაინელი პროზაიკოსის და პოეტის, სერჰი ჟადანის წიგნმა, „ინტერნატმა“ მოიპოვა.   

დამატებითი ინფორმაცია

პრესრელიზი

დახურვის თარიღი:

ნოემბერი 30, 2022

შესაძლებლობის ტიპი

საპროექტო წინადადებების მიღება

წყარო: https://euneighbourseast.eu/