|
1249 |
---|
წლიურმა ინფლაციამ 2017 წლის დეკემბრის შემდეგ მაქსიმალურ მაჩვენებელს მიაღწია
სტატისტიკის ეროვნული სამსახურის მონაცემებით, 2019 წლის მაისში, წინა თვესთან შედარებით, ინფლაციის დონემ საქართველოში 0.5 პროცენტი, ხოლო წლიური ინფლაციის დონემ 4.7 პროცენტი შეადგინა. წლიურმა ინფლაციამ 2017 წლის დეკემბრის შემდეგ მაქსიმალურ მაჩვენებელს მიაღწია. ამასთან, სამომხმარებლო ფასების ზრდა ეროვნული ბანკის მიერ დადგენილ მიზნობრივ მაჩვენებელს – 3 პროცენტს აღემატება. საქსტატის ცნობით, წლიურად სურსათისა და უალკოჰოლო სასმელების ჯგუფში ფასები გაიზარდა 7.9 პროცენტით, მათ შორის ბოსტნეულსა და ბაღჩეულზე – 33.7 პროცენტით, თევზეულზე – 13.5 პროცენტით, პურსა და პურპროდუქტებზე – 11.6 პროცენტით, ხორცსა და ხორცის პროდუქტებზე – 7.2 პროცენტით, ასევე მინერალურ წყლებზე, უალკოჰოლო სასმელებსა და ნატურალურ წვენებზე – 4.8 პროცენტით. ამასთან, ფასები შემცირდა ხილსა და ყურძენზე 19.9 პროცენტით. ერთ წელიწადში ფასები მომატებულია თამბაქოს ნაწარმზე – 44.6 პროცენტით; პირადი სატრანსპორტო საშუალებების ექსპლუატაციაზე – 4.4 პროცენტით და სატრანსპორტო მომსახურებაზე – 1.6 პროცენტით; გასართობ და კულტურულ მომსახურებაზე – 6.4 პროცენტით; სამედიცინო პროდუქციაზე, აპარატურასა და მოწყობილობაზე – 4.5 პროცენტით, ამბულატორიულ სამედიცინო მომსახურებაზე – 2.9 პროცენტით და საავადმყოფოების მომსახურებაზე – 1.6 პროცენტით. |
03-06-2019
წყარო: 1tv.ge
25-04-2019 სააგენტოს ,,აწარმოე საქართველოში“ დირექტორი, მიხეილ ხიდურელი, ქართველ და უცხოელ სტუდენტებს შეხვდა |
---|
29-03-2019 ევროკავშირი 2022 წლიდან ახალ ავტომობილებში „შავი ყუთის“ ვალდებულებას შემოიტანს |
01-04-2019 6 ცვლილება და რეგულაცია, რომელიც დღეიდან ამოქმედდება |
03-05-2019 “თი-ბი-სი” უზბეკეთის წამყვან გადახდის პლატფორმას – Payme-ს ყიდულობს |