| სიახლეების გამოწერა |
პროექტის პარტნიორები  |
 |
|
| 268 |
|---|
ფინეთში უმუშევრებისთვის ყოველთვიური ანაზღაურების ექსპერიმენტი მარცხით დასრულდა
| ფინეთში გარანტირებული ძირითადი შემოსავლის ორწლიანი ექსპერიმენტი მარცხით დასრულდა. ამის შესახებ „ევრონიუსი“ იტყობინება. ექსპერიმენტის ფარგლებში ფინეთის მთავრობამ დაახლოებით ორი წლის წინ 2000 უმუშევარ ადამიანს ყოველთვიური ძირითადი შემოსავალი დაუნიშნა უმუშევრობის სარგებლის ნაცვლად. ექსპერიმენტის მონაწილეები თვეში 560 ევროს იღებდნენ 2017 წლის 1-ლი იანვრიდან 2018 წლის 31 დეკემბრის ჩათვლით მიუხედავად იმისა, ამ პერიოდში ისინი შეძლებდნენ სამსახურის შოვნას თუ არა. ორწლიანი ექსპერიმენტის მიზანს უმუშევრობის დონის შემცირება და მოსახლეობის წახალისება წარმოადგენდა, მოეძებნათ სამსახური. ექსპერიმენტის პირველადი შედეგები მთავრობამ უკვე გამოაქვეყნდა. „ძირითადი შემოსავლის ექსპერიმენტმა არ გაზარდა იმ მონაწილეების დასაქმების დონე, რომლებმაც პირველი წლის განმავლობაში ისარგებლეს მთავრობისგან ანაზღაურების მიღებით“, - წერია ჯანდაცვისა და სოციალური საკითხების სამინისტროს განცხადებაში. თუმცა, სამთავრობო უწყებაში აღნიშნავენ, რომ ეს მხოლოდ პირველადი შეჯამებაა და საერთო შედეგი მას შემდეგ იქნება ცნობილი, რაც ექსპერიმენტის 2-წლიან პერიოდს გააანალიზებენ. |
15-02-2019
წყარო: bpn
|
19-03-2019 გიორგი ქობულია: „ჰონგ კონგის ბიზნესის წარმომადგენლები ჩვენი ეკონომიკის რამდენიმე ძირითადი სექტორის შესწავლით არიან დაინტერესებული" |
|---|
|
24-02-2019 „ინგლისის ბანკი“ „ოქროს სკანდალში“ კიდევ ერთხელ გაეხვა |
|
18-03-2019 დღეს, სასტუმრო ,,რედისონ ბლუ ივერიაში“, საქართველოს სავაჭრო-სამრეწველო პალატის საბჭოს, 2019 წლის პირველი სხდომა გაიმართა. |
|
29-03-2019 USAID/Georgia G4G ულოცავს მე-5 ქალთა კონფერენციის ნომინაციებში გამარჯვებულ ქალბატონებს ანა გოგუაძეს |