|
| 1885 |
|---|
Facebook-ის აქციონერების ნაწილი მარკ ცუკერბერგის გადადგომას ითხოვს
| Facebook-ის აქციონერების ნაწილი მოითხოვს, რომ სოციალური ქსელის დამფუძნებელი მარკ ცუკერბერგი კომპანიის მმართველი თავმჯდომარის თანამდებობიდან გადადგეს. ამის შესახებ ინფორმაციას აშშ-ის ფასიანი ქაღალდების კომისია ავრცელებს. მარკ ცუკერბერგი ხმის უფლების მქონე აქციების 60%-ს აკონტროლებს, რაც მას უფლებას აძლევს ფაქტობრივად მარტომ აკონტროლოს კომპანიის პოლიტიკა და ერთპიროვნული გადაწყვეტილებები მიიღოს. აქციონერები აცხადებენ, რომ სწორედ ამის გამო, Facebook-ი რამდენიმე სკანდალში გაეხვა. მაგალითად Cambridge Analytica-დან მონაცემების შესახებ ინფორმაციის გაჟონვა და რუსეთის ჩართულობა აშშ-ის არჩევნებში და ცრუ ინფორმაციის გავრცელება. აქციონერები დამოუკიდებელი მმართველი თავმჯდომარის არჩევას 2019 წლის 30 მაისს დაგეგმილ აქციონერთა კრებაზე აპირებენ. Facebook-ის ადმინისტრაციამ საპასუხო განცხადება გაავრცელა, სადაც აღნიშნავს, რომ კომპანიის მმართველობის სტრუქტურა აქციონერების ინტერესებს პასუხობს. |
15-04-2019
წყარო: imedinews.ge
|
11-04-2019 „ნენსკრა ჰიდროს“ ზემო სვანეთში არასასოფლო-სამეურნეო მიწის ნაკვეთები გადაეცა |
|---|
|
31-01-2020 Coca-Cola bottlers Georgia-მ, წარმოება, მთლიანად ნატახტარში გადაიტანა. ბრენდი სრულ პროდუქციას უკვე ახალ ქარხანაში უშვებს. |
|
02-05-2019 კორპორაცია Apple-ი Qualcomm-ს სულ მცირე 4,5 მილიარდ დოლარს გადაუხდის |
|
19-03-2019 იანვარ-თებერვალში ექსპორტი 13.2%–ით, იმპორტი კი 0.1%–ით გაიზარდა |
