საქართველოს რეგიონული განვითარებისა და ინფრასტრუქტურის მინისტრმა მაია ცქიტიშვილმა, სამეგრელო-ზემო სვანეთის სახელმწიფო რწმუნებულთან და ზუგდიდის მერობის კანდიდატთან ერთად, ზუგდიდი-ანაკლიის დამაკავშირებელი გზის სარეაბილიტაციო სამუშაოები დაათვალიერა. 

როგორც ცქვიტიშვილმა ჟურნალისტებთან თემის კომენტირებისას განაცხადა, გზის მშენებლობის სამუშაოები თითქმის დასრულების ფაზაშია და დროზე ადრე, დაახლოებით ივლისის თვეში გაიხსნება გზა.

მაია ცქიტიშვილის განცხადებით, რეაბილიტაციის პროცესში მოხდა როგორც გზის საფარის აღდგენა, ასევე სანიაღვრე არხებისა და ტროტუარების კეთილმოწყობა.