|
| 1734 |
|---|
ეროვნული ბანკის მონაცემებით, თებერვალში რუსეთიდან და თურქეთიდან ფულადი გზავნილები შემცირდა
| საქართველოში გადმორიცხული თანხების მოცულობა წინა წელთან შედარებით 10.2 პროცენტით გაიზარდა და 125.5 მლნ აშშ დოლარი შეადგინა, ხოლო საქართველოდან გადარიცხული თანხების მოცულობა 1.4 პროცენტით 17.7 მლნ აშშ დოლარამდე შემცირდა,- ამის შესახებ საქართველოს ეროვნული ბანკის თებერვლის თვის მიმოხილვაშია აღნიშნული. ეროვნული ბანკის მონაცემებით, თებერვალში 54.4 პროცენტით გაიზარდა აშშ-დან გადმორიცხული ფულადი სახსრები, 4.3 პროცენტით მოიმატა ევროკავშირის ქვეყნებიდან გადმორიცხულმა ფულადმა სახსრებმა, რაც ძირითადად იტალიიდან (23.7 პროცენტით), საბერძნეთიდან (5.5 პროცენტით) და საფრანგეთიდან (32.7 პროცენტით) გაზრდილმა გზავნილებმა განაპირობა. ევროკავშირის ქვეყნებიდან აღსანიშნავია ასევე გერმანიიდან გზავნილების მატება. „რეგიონის ქვეყნებიდან ფულადი გზავნილების ზრდაზე არსებითი ზეგავლენა მოახდინა აზერბაიჯანიდან (7.2 პროცენტით) გზავნილების მატებამ. ზომიერად გაიზარდა ასევე ისრაელიდან გადმორიცხული ფულადი სახსრების მოცულობა. მეორე მხრივ, უარყოფითი წვლილი ზრდაში ჰქონდა თურქეთიდან (-2 პროცენტით) და რუსეთიდან (-1.5 პროცენტით) ფულადი გზავნილების კლებას,“- აღნიშნულია მიმოხილვაში. ამასთან, თებერვლის თვის მიმოხილვის მიხედვით, ფულადი გზავნილების ძირითად წყაროს ევროკავშირის ქვეყნები (33.4 პროცენტი) და რუსეთი (25.2 პროცენტი) წარმოადგენს. |

31-03-2019
წყარო: bpn.ge
|
24-06-2019 მესტიაში „ევროპის დღე" აღნიშნეს |
|---|
|
25-05-2023 „ქეშბექობანა“ - ლიბერთის ლოიალობის პროგრამა CashBack, Visa-სთან ერთად ბავშვებისთვის განსაკუთრებულ აქციას იწყებს! |
|
25-05-2023 ახალციხე პირველ რეგიონულ დასაქმების ფორუმს უმასპინძლებს |
|
26-02-2019 „ზედაზენმა“ დუბაიში საკვები და სასმელი პროდუქციის საერთაშორისო გამოფენა GULFOOD 2019-ზე მიიღო მონაწილეობა |