|
| 1859 |
|---|
საქართველოში ღამის ხედვის სისტემით აღჭურვილი ვერტმფრენებისთვის ექსპლუატაციის წესები დგინდება
| საქართველოში ღამის ხედვის სისტემით აღჭურვილი ვერტმფრენებისთვის ექსპლუატაციის წესები დადგინდება. საუბარია ევრორეგულაციის შესაბამისი პირობების ამოქმედებაზე. ინფორმაციას ამის შესახებ სამოქალაქო ავიაციის სააგენტო ავრცელებს. სააგენტოს დირექტორის ბრძანების ამოქმედების შემდეგ, ღამის ხედვის სისტემით აღჭურვილი ვერტმფრენები ოპერირებას ვიზუალური ფრენის წესებით (VFR) განახორციელებენ. ფრენების შესასრულებლად, ვერტმფრენი უნდა იყოს სპეციალურად აღჭურვილი, მათ შორის სიმაღლის რადიომზომით, რომელიც ფრენის ყველა ეტაპზე გამოსცემს ხმოვან სიგნალს, თუ ვერტმფრენი წინასწარ განსაზღვრულ სიმაღლეზე დაბლა დაეშვება, ხოლო ხმოვან და ვიზუალურ სიგნალს – პილოტის მიერ შერჩეულ სიმაღლეზე. ვერტმფრენზე დამონტაჟებული უნდა იყოს შემდეგი დამატებითი აღჭურვილობა: სარეზერვო ან მეორადი კვების წყარო ღამის ხედვის სათვალეებისთვის, ჩაფხუტი ღამის ხედვის სათვალის მიერთების შესაძლებლობით. ბრძანების პროექტი სააგენტოს ვებგვერდზე გამოქვეყნდა. |
24-04-2019
წყარო: 1tv.ge
|
27-03-2019 ქალთა როლი ეკონომიკურ ზრდასა და რეფორმების შემუშავებაში |
|---|
|
03-07-2019 იურიდიული განათლება პროფესიული წარმატებისთვის |
|
10-05-2019 WSJ-ი ამერიკა-ჩინეთს შორის მიმდინარე მოლაპარაკებების გამწვავების ვერსიას აქვეყნებს |
|
10-04-2019 “Erasmus+”-ის ბიუჯეტი სამჯერ იზრდება |
