ევროპის ქვეყნებში თავდაცვის ბიუჯეტი გაიზარდა. სტოკჰოლმში დაფუძნებული მშვიდობის კვლევის საერთაშორისო ინსტიტუტის ანგარიშის თანახმად, უკრაინაში, ასევე ცენტრალური და აღმოსავლეთ ევროპის რამდენიმე ქვეყანაში, თავდაცვის ხარჯების გაფართოება ძირითადად რუსეთისგან მომავალ საფრთხეს უკავშირდება.

დოკუმენტის მიხედვით, შარშან უკრაინაში სამხედრო დაფინანსება 21 პროცენტით გაიზარდა. მსგავსი მატება დაფიქსირდა ბულგარეთში, რუმინეთში, ლატვიასა და ლიეტუვაშიც.