|
982 |
---|
თბილისის სახელმწიფო უნივერსიტეტში პროგრამა „მე ვირჩევ ჩემს მომავალს“ ფარგლებში სტუდენტებთან შეხვედრა გაიმართება (7 მარტი)
7 მარტს, თბილისის სახელმწიფო უნივერსიტეტის პირველი კორპუსის დიდ სააქტო დარბაზში, 11:00 საათზე, აშშ-ის ელჩის მოვალეობის შემსრულებელი, როს უილსონი თსუ-ს სტუდენტებს სიტყვით მიმართავს. შეხვედრა იმართება ნარკოტიკების მოხმარების შემცირების პროგრამა „მე ვირჩევ ჩემს მომავალს“ ფარგლებში. პროგრამის მიზანია სკოლის მოსწავლეების, უნივერსიტეტის სტუდენტებისა და ზოგადად ახალგაზრდობის ინფორმირება ნარკოტიკული საშუალებების მოხმარების მავნებლობის შესახებ. პროგრამა „მე ვირჩევ ჩემს მომავალს“ ითვალისწინებს აშშ-ის ნარკოტიკებთან ბრძოლის ადმინისტრაციის სპეციალური აგენტის – ტრენერის მიერ პრეზენტაციის ჩატარებას და ახალგაზრდების ინფორმირებას ნარკოტიკების მოხმარებისგან თავის დაღწევის და პრევენციის მიზნით. შეხვედრა იმართება აშშ-ს იუსტიციის დეპარტამენტის ნარკოტიკებთან ბრძოლის ადმინისტრაციის, საერთაშორისო ნარკოტიკებისა და სამართალდამცავ ორგანოებთან ურთიერთობის ბიუროს, აშშ-სა და საქართველოს მეგობრობის ასოციაციის და საქართველოს განათლების, მეცნიერების, კულტურისა და სპორტის სამინისტროს ორგანიზებით. პროგრამის ფარგლებში შეხვედრები უკვე გაიმართა ბათუმის სახელმწიფო უნივერსიტეტში, ქუთაისის სახელმწიფო უნივერსიტეტსა და თბილისის ტექნიკურ უნივერსიტეტში. |
07-03-2019
წყარო: აშშ-ის საელჩო საქართველო
29-03-2019 2019 წლის მარტში საქართველოს დელეგაცია ესტონეთის ელ. მმართველობის აკადემიას ეწვია |
---|
05-04-2019 DWV-ს „Get together“ ღონისძიება |
25-06-2019 ნათია თურნავა - სრული პასუხისმგებლობით ვაცხადებთ, რომ ჩვენი ქვეყნის ტურისტული ბაზარი არის უსაფრთხო |
31-03-2019 თბილისის მიკროავტობუსებს ქიმიური წმენდა ჩაუტარდებათ |