ვენეციის არქიტექტურის ბიენალეზე წარსადგენი პროექტის კონკურსი
ნავიგატორი
329


ვენეციის არქიტექტურის ბიენალეზე წარსადგენი პროექტის კონკურსი

კულტურის სამინისტრო ვენეციის არქიტექტურის ბიენალეზე წარსადგენი პროექტის შესარჩევ კონკურსს აცხადებს.
საქართველოს კულტურის, სპორტისა და ახალგაზრდობის სამინისტრო არქიტექტურის მე-18 საერთაშორისო გამოფენაზე – ვენეციის ბიენალეზე, საქართველოს ეროვნულ პავილიონში წარსადგენი პროექტის შესარჩევ კონკურსს აცხადებს.

2023 წლის არქიტექტურის მე-18 საერთაშორისო გამოფენის მთავარი თემა, გამოფენის კურატორის, ლესლი ლოკოს მიერ გამოქვეყნებული დოკუმენტის თანახმად, არის „მომავლის ლაბორატორია“. კონკურსში შესარჩევად წარმოდგენილი პროექტის იდეა სწორედ ამ თემას უნდა ეხმაურებოდეს, მაგრამ, ამავდროულად, იგი უნდა უკავშირდებოდეს საქართველოს, როგორც უძველესი ევროპული ცივილიზაციის ქვეყნის, კულტურას, რაც ხელს შეუწყობს საზღვარგარეთ ჩვენი ეროვნული არქიტექტურული აზროვნების პოპულარიზაციას.

 

კონკურსანტის მიერ წარმოდგენილი პროექტის ბიუჯეტი არ უნდა აღემატებოდეს 200 000 ლარს.

საკონკურსო პირობების თანახმად, კონკურსში მონაწილეობის უფლება აქვს ფიზიკურ ან იურიდიულ პირს/პირთა ჯგუფს, განურჩევლად მოქალაქეობისა.

კონკურსში მონაწილეობის მისაღებად აუცილებელია, მონაწილე პირს, რომელიც შეიძლება იყოს არქიტექტორი, არქიტექტორთა ჯგუფი, არქიტექტურული ბიურო/სახელოსნო, არქიტექტურული კომპანია, ამ დარგში მომუშავე არასამთავრობო ორგანიზაცია, კურატორი/შემოქმედებითი პროექტების ორგანიზატორი, ჰქონდეს საერთაშორისო არქიტექტურულ კონკურსებში მონაწილეობისა და კონცეპტუალური არქიტექტურული პროექტების/ნამუშევრების შექმნის გამოცდილება.

 

აგრეთვე, შესაძლებელია, არქიტექტორებისა და თანამედროვე ხელოვნებაში მომუშავე მხატვრების ერთობლივი არქიტექტურული პროექტის/ნამუშევრის წარმოდგენა.

პროექტი უნდა ეხმიანებოდეს თანამედროვე არქიტექტურის ურბანულ, ეკოლოგიურ და სოციალურ გამოწვევებს და იყოს აქტუალური საერთაშორისო ინტელექტუალური, შემოქმედებითი და არქიტექტურული ტენდენციების თვალსაზრისით.
არქიტექტურის მე-18 საერთაშორისო გამოფენაზე საქართველოს პავილიონის სივრცე – ’’Il Giardino Bianco“ 225 კვ. მ-ს მოიცავს და მისი მისამართია: ’’Via Garibaldi, 1814, Art Space“.

საკონკურსო განაცხადები მიიღება 2022 წლის 22 ოქტომბრიდან 2022 წლის 30 ნოემბრის 18:00 საათამდე ან ნაბეჭდი სახით საქართველოს კულტურის, სპორტისა და ახალგაზრდობის სამინისტროში, მისამართზე: თბილისი, სანაპიროს ქ. N4, ან ელექტრონული ვერსია სამინისტროს ოფიციალურ ელექტრონულ ფოსტაზე – info@culture.gov.ge.

პირველ ეტაპზე, 2022 წლის 7 დეკემბერს გამოქვეყნდება კონკურსანტების მოკლე სია. მეორე ეტაპზე, 2022 წლის 14 დეკემბერს, გამოცხადდება გამარჯვებული პროექტი. ინფორმაცია კონკურსში გამარჯვებული პროექტების შესახებ გასაჯაროვდება სამინისტროს ოფიციალურ ფეისბუქ გვერდზე არაუგვიანეს 2022 წლის 15 დეკემბრისა.

 

დამატებითი ინფორმაცია იხილეთ შემდეგ ბმულზე – https://cutt.ly/rB3afLm

26-10-2022

წყარო: კულტურის სამინისტრო

14-03-2019

თბილისი "Turkish Airlines"-ის 70 მილიონ მგზავრზე გათვლილ საბორტე ჟურნალში

11-01-2023

ჯილდო გარემოს დაცვაზე ორიენტირებული გამორჩეული პროექტისთვის

01-03-2023

სასტიპენდიო პროგრამები საზღვარგარეთ სწავლის მსურველი საქართველოს მოქალაქეებისთვის!

07-05-2019

ცქიტიშვილი: ზუგდიდი-ანაკლიის დამაკავშირებელი გზის მშენებლობა ივლისში დასრულდება

07-05-2019

ცქიტიშვილი: ზუგდიდი-ანაკლიის დამაკავშირებელი გზის მშენებლობა ივლისში დასრულდება

14-03-2019

თბილისი "Turkish Airlines"-ის 70 მილიონ მგზავრზე გათვლილ საბორტე ჟურნალში

11-01-2023

ჯილდო გარემოს დაცვაზე ორიენტირებული გამორჩეული პროექტისთვის

01-03-2023

სასტიპენდიო პროგრამები საზღვარგარეთ სწავლის მსურველი საქართველოს მოქალაქეებისთვის!


სიახლეების გამოწერა











Copyright 2018. www.projects.org.ge. All Rights Reserved.
ვებსაიტი დამზადებულია და ატვირთულია projects.org.ge-ის მიერ