|
1613 |
---|
გერმანიის ეკონომიკური გაერთიანება (DWV) მის წევრ კომპანია KulturenDialog-თან ერთად გიწვევთ ერთდღიან ტრენინგზე
გერმანიის ეკონომიკური გაერთიანება (DWV) მის წევრ კომპანია KulturenDialog-თან ერთად გიწვევთ პრაქტიკულ ტრენინგზე: „კულტურათაშორისი კომპეტენცია და წარმატებული თანამშრომლობა გერმანელ ბიზნეს პარტნიორებთან/კლიენტებთან“. გერმანულ ფირმებთან და ორგანიზაციებთან წარმატებული თანამშრომლობა მოითხოვს არა მხოლოდ ენის კარგ ცოდნას, არამედ გერმანული კულტურისა და მუშაობის სპეციფიკის ინტენსიურ შეცნობას. გერმანელების ეფექტური მუშაობის სტილი, „Made in Germany“-ის პროდუქციის ხარისხი და ძალიან წარმატებული გერმანული ეკონომიკა ეფუძნება ფაქტორებს, რომელთა ანალიზი გადამწყვეტია საერთაშორისო წარმატებული თანამშრომლობისთვის. ტრენინგის ფარგლებში მონაწილეები მიიღებენ თეორიულ ცოდნასა და პრაქტიკულ გამოცდილებას შემდეგი მიმართულებით:
ტრენინგს გაუძღვება კომპანია KulturenDialog-ის მფლობელი და მენეჯერი სოფია შუსტერი. სოფია გახლავთ ეკონომისტი, სერტიფიცირებული ინტერკულტურული ტრენერი „Diversity Management“-ის სპეციალიზაციით, კომუნიკაციის- და ანტირასიზმის ტრენერი. მიზნობრივი აუდიტორია: გერმანულ ექსპორტის სფეროში დასაქმებული ქართველები. თარიღი: 13 ივნისი, 10:00 – 17:00 საათი ტრენინგის საფასური: გერმანიის ეკონომიკური გაერთიანების (DWV) წევრებისთვის - 180 ლარი, სხვა შემთხვევაში 220 ლარი. საფასური მოიცავს ყავისა და ლანჩის შესვენებას და ყველა საჭირო მასალას ტრენინგის მიმდინარეობისას. სრული პროგრამა და მონაწილეობის პირობები იხილეთ თანდართულ ფაილში. ტრენინგი ჩატარდება ქართულ ენაზე. ტრენინგზე რეგისტრაციის მსურველებმა, გთხოვთ 10 ივნისამდე შეავსოთ სარეგისტრაციო ფორმა. დამატებითი ინფორმაციისთვის დაგვიკავშირდით: ramaz.vadachkoria@georgien.ahk.de |
06-06-2019
წყარო: გერმანიის ეკონომიკური გაერთიანება
12-09-2022 არასტანდარტული ვაშლის მოსავლის რეალიზაციის ხელშეწყობის პროგრამა |
---|
01-05-2019 დღეიდან მსხვილი ინდუსტრიული მომხმარებლების ნაწილი ელექტროენერგიას საბაზრო ფასად შეისყიდის |
17-06-2019 გარემოსდაცვითი სამართლიანობა და ქალთა უფლებები საქართველოში |
14-03-2019 საქართველომ რეკორდული რაოდენობის ვაშლის ექსპორტი განახორციელა |