საქართველოს ეკონომიკისა და მდგრადი განვითარების სამინსიტროს სააგენტოს “აწარმოე საქართველოში“ მხარდაჭერით, ქართულ კომპანიებს საშუალება ექნებათ ერთ-ერთ ყველაზე მასშტაბურ და მნიშვნელოვან გამოფენაში China International Import Expo – CIIE მიიღონ მონაწილეობა, რომელიც 2019 წლის 5-10 ნოემბერს, ჩინეთში, ქალაქ შანხაიში, გაიმართება.

საერთაშორისო ღონისძიებას, რომელიც მეორედ იმართება, მსოფლიოს მასშტაბით 150 000-მდე სხვადასხვა ბიზნეს წრეების წარმომადგენელი დაესწრება და უპრეცედენტო შესაძლებლობას აძლევს ქართულ კომპანიებს, მოახდინონ საკუთარი საქონლისა და მომსახურების ექსპორტი ჩინეთსა და სხვა ქვეყნებში. 

კომპანიების შერჩევისას პრიორიტეტი მიენიჭება პირებს, რომლებიც მზად არიან დააკმაყოფილონ ჩინური ბაზრის მოთხოვნები პროდუქციის ხარისხის, რაოდენობის და სერთიფიცირების გათვალისწინებით. ასევე, შესწევთ უნარი უზრუნველყონ საქონლის სისტემატური და დროული მიწოდება.

გამოფენაში მონაწილეობის სურვილის შემთხვევაში, გთხოვთ გაიაროთ რეგისტრაცია მოცემულ ლინკზე არაუგვიანეს 25 მარტისა:http://bit.do/eMhrD

დამატებითი ინფორმაციის მისაღებად გთხოვთ, დაუკავშირდეთ სააგენტოს მომსახურების ცენტრს ნომერზე: 1525