კალუსტე გულბენკიანის ფონდი — მოკლევადიანი გრანტი სომხეთმცოდნეობის კვლევისთვის 2026

კალუსტე გულბენკიანის ფონდი (ლისაბონი) იღებს განაცხადებს მოკლევადიან გრანტზე, რომელიც სომხეთმცოდნეობის სფეროში მომუშავე პირების სასწავლო და კვლევით საქმიანობას უჭერს მხარს. „სომხეთმცოდნეობა“ ფართოდ არის გაგებული: ისტორია, პოლიტიკა, სოციოლოგია, კულტუროლოგია, არქეოლოგია და სხვა სოციალური და ჰუმანიტარული მეცნიერებები.

რას აფინანსებს:

• საველე კვლევას
• მცირე კვლევით პროექტს
• საერთაშორისო კონფერენციაში მონაწილეობას
• საზაფხულო სკოლაში მონაწილეობას

ვის შეუძლია მონაწილეობა: მაგისტრანტებს, დოქტორანტებსა და მკვლევრებს. ასაკობრივი ზღვარი არ არის, თუმცა უპირატესობა ახალგაზრდა მეცნიერებს ენიჭებათ. სომხეთში მცხოვრები მკვლევრებისთვის, რომლებსაც საზღვარგარეთ კონფერენციაზე წასვლა სურთ, ფონდს ცალკე სამგზავრო გრანტი აქვს.

თანხა და ხანგრძლივობა: მაქსიმუმ 5 000 ევრო; ვიზიტი ან პროექტი — არაუმეტეს 3 თვისა.

მიღება: 2026 წლის 19 იანვრიდან 4 დეკემბრამდე (ლისაბონის დროით), მხოლოდ ონლაინ, ფონდის სისტემაში რეგისტრაციის შემდეგ. თვის ბოლომდე შეტანილი განაცხადები განიხილება მომდევნო თვის პირველ 10 დღეში, გადაწყვეტილება — წარდგენიდან დაახლოებით 6 კვირაში.

სრული პირობები იხილეთ ოფიციალურ გვერდზე განთავსებულ კონკურსის პირობებში.

ინფორმაციის წყარო: gulbenkian.pt