|
1602 |
---|
პაშა ბანკი „პრო ბონო მარათონი 2019-ის“ მონაწილეა
პაშა ბანკმა „პრო ბონო მარათონი 2019-ში“ მიიღო მონაწილეობა. „პრო ბონო მარათონი 2019“ 23 მაისს საქართველოს სტრატეგიული კვლევებისა და განვითარების ცენტრის (CSRDG) და საქართველოს პრო ბონო ქსელის ორგანიზებით გაიმართა. მარათონის ფარგლებში, ბანკის წარმომადგენლები სოციალურ საწარმო „იალონს“ Facebook გვერდის გაუმჯობესებაში დაეხმარნენ. ამასთანავე, წინასწარ მომზადდა წლის განმავლობაში განსათავსებელი პოსტების ნაწილი და გაიწერა Facebook-ის მართვის სტრატეგია.
პაშა ბანკმა პრო ბონო მარათონში მონაწილეობა უკვე მესამედ მიიღო. 2018 წელს ბანკისა და მისი თანაგუნდელი ორგანიზაციების, „ჯიპიაი ჰოლდინგისა“ და „ჯეოლაბის“ თანამშრომლებმა საქართველოს სამოქალაქო განვითარების ასოციაცია „საგასთვის“ ვებგვერდი sagango.ge შექმნეს. 2017 წელს კი პაშა ბანკის საზოგადოებასთან ურთიერთობისა და მარკეტინგის დეპარტამენტის მიერ სოციალურ საწარმო „კოდალას“ პროდუქციის ონლაინ კატალოგი მომზადდა.
პაშა ბანკი ბაქოში სათავო ოფისის მქონე ფინანსური ინსტიტუტია, რომელიც ოპერირებს აზერბაიჯანში, საქართველოსა და თურქეთში. პაშა ბანკი მსხვილ, საშუალო და მცირე ზომის საწარმოებს კორპორაციულ და საინვესტიციო საბანკო მომსახურებას სთავაზობს. |
24-05-2019
წყარო: pia.ge
13-05-2019 საქართველოში გამოვლენილ ყალბ ბანკნოტებში ყველაზე მეტი 50 და 100-ლარიანია გამოვლენილი |
---|
09-02-2023 ჩინეთის მთავრობის სტიპენდიები პეკინის ტექნოლოგიურ ინსტიტუტში 2023-2024 აკადემიური წლისათვის |
06-09-2019 შემოსავლების სამსახურის უფროსმა ბიზნესასოციაციების წარმომადგენლებს საგადასახადო სფეროში დაგეგმილი ინიციატივები გააცნო |
04-04-2019 საქართველო თხილის სიძვირით რეგიონში მეორეა |