Global EbA Fund — საშუალო ზომის გრანტების პირველი კონკურსი ეკოსისტემაზე დაფუძნებული ადაპტაციისთვის (2026)

Global EbA Fund (ეკოსისტემაზე დაფუძნებული ადაპტაციის გლობალური ფონდი), რომელსაც IUCN და UNEP მართავენ გერმანიის კლიმატის საერთაშორისო ინიციატივის (IKI) დაფინანსებით, აცხადებს საშუალო ზომის გრანტების პირველ კონკურსს.

გრანტი: 500 000 აშშ დოლარამდე, პროექტის ხანგრძლივობა — 24 თვემდე.

თემატური მიმართულებები:

• ინოვაციური დაფინანსება ეკოსისტემური ადაპტაციისთვის — საინვესტიციო ბიზნეს-მოდელები, საჯარო და კერძო ინვესტიციების მოზიდვა
• ეკოსისტემური ადაპტაცია ადამიანის განვითარებისა და უსაფრთხოებისთვის — თემზე დაფუძნებული, კონფლიქტისადმი მგრძნობიარე მიდგომები
• კლიმატის, ბიომრავალფეროვნებისა და მიწის დღის წესრიგების დაკავშირება

ვის შეუძლია: რეგისტრირებულ იურიდიულ პირებს — ადგილობრივ და საერთაშორისო არასამთავრობო ორგანიზაციებს, თემზე დაფუძნებულ ორგანიზაციებს, უნივერსიტეტებს, კვლევით ინსტიტუტებსა და ანალიტიკურ ცენტრებს, კერძო კომპანიებს და კონსორციუმებს. ფიზიკურ პირებს — არა. სახელმწიფო უწყებები შეიძლება იყვნენ კონსორციუმის წევრები, მაგრამ დაფინანსებას ვერ მიიღებენ.

პირობები: პროექტი უნდა ხორციელდებოდეს OECD-ის განვითარების დახმარების (ODA) მიმღებ ქვეყნებში, რომელთა შორისაა საქართველო, ან იყოს გლობალური/თემატური. სავალდებულოა ადგილობრივ ორგანიზაციებთან პარტნიორობა. განაცხადი ინგლისურად, ონლაინ პორტალზე; საჭიროა განაცხადის ფორმა, ცვლილების თეორია და ლოგიკური ჩარჩო, ბიუჯეტი და ფინანსური შესაძლებლობების კითხვარი.

მიღება: 2026 წლის 12 ოქტომბრიდან 16 ნოემბრამდე.

ინფორმაციის წყარო: globalebafund.org