საგრანტო კონკურსი საგანმანათლებლო დაწესებულებებისთვის

კონკურსის შესახებ:

"USAID სამართლის უზენაესობის პროგრამა საქართველოში" არის 5 წლიანი (2022-2026) ინიციატივა, რომელსაც აფინანსებს ამერიკის შეერთებული შტატების საერთაშორისო განვითარების სააგენტო (USAID) და ახორციელებს "აღმოსავლეთ-დასავლეთის მართვის ინსტიტუტი" (EWMI).

პროგრამის მიზანია კანონის უზენაესობის გაძლიერება მართლმსაჯულების ინსტიტუტების დამოუკიდებლობისა და ეფექტიანობის ხელშეწყობის, საზოგადოების ყველა ფენისთვის მართლმსაჯულებაზე უკეთესი ხელმისაწვდომობის უზრუნველყოფის, და ზემოაღნიშნულ ინსტიტუტებზე მოქალაქეთა და ინსტიტუციური ზედამხედველობის გაძლიერების გზით.

"USAID სამართლის უზენაესობის პროგრამა" უნივერსიტეტებისა და/ან სხვა საგანმანათლებლო დაწესებულებებისთვის აცხადებს საგრანტო კონკურსს, რომლის მიზანსაც სამართლის სტუდენტებისთვის პრაქტიკული და კვლევითი უნარების განვითარება წარმოადგენს.

კონკურსის პირობების ტექსტის სრული ვერსია, განაცხადის და ბიუჯეტის ფორმებთან ერთად შეგიძლიათ იხილოთ თანდართული ფაილების სახით.

განაცხადების მიღების ბოლო ვადა: 30 აპრილი, 2022 (24 საათი, საქართველოს დროით).

წყარო: http://jobs.ge