ევროპის დემოკრატიის ფონდი (EED) — მხარდაჭერა სამოქალაქო ჯგუფებს, დამოუკიდებელ მედიასა და აქტივისტებს

ევროპის დემოკრატიის ფონდი (European Endowment for Democracy, EED) ეხმარება მათ, ვინც დემოკრატიული, პლურალისტური საზოგადოებისთვის მუშაობს და სხვა დონორებისგან დაფინანსებას ვერ იღებს. ფონდი განსაკუთრებით ფრთხილად და კონფიდენციალურად მუშაობს.

ვის შეუძლია განაცხადის შეტანა:

• სამოქალაქო საზოგადოების ორგანიზაციებს და მოძრაობებს
• დამოუკიდებელ მედიას, ჟურნალისტებსა და ბლოგერებს
• ხელოვანებს, ახალგაზრდულ ჯგუფებს და ცალკეულ აქტივისტებს
• არარეგისტრირებულ ჯგუფებსა და ფიზიკურ პირებს — ოფიციალური რეგისტრაცია სავალდებულო არ არის

ქვეყნები: საქართველო, სომხეთი, აზერბაიჯანი, თურქეთი და აღმოსავლეთ პარტნიორობის, ბალკანეთისა და ახლო აღმოსავლეთის სხვა ქვეყნები.

რას აფინანსებს: დემოკრატიული ცვლილებების ხელშემწყობ საქმიანობას, მათ შორის ორგანიზაციის ხარჯებს (ხელფასი, ოფისი, კომუნიკაცია). ფიქსირებული ზღვარი არ არის; მოთხოვნების უმეტესობა 10 000–50 000 ევროა.

ვადა: კონკურსები და ვადები არ არის — განაცხადი მიიღება ნებისმიერ დროს. გადაწყვეტილებას ფონდი დაახლოებით ორ თვეში ერთხელ იღებს, განხილვას 8–12 კვირა სჭირდება. საჭიროა ბიუჯეტი და სამი რეკომენდატორი.

როგორ წარედგინება: ონლაინ ფორმით ან ელფოსტით. ენები: ინგლისური, რუსული, თურქული, ფრანგული, არაბული, უკრაინული და სხვ.

ინფორმაციის წყარო: democracyendowment.eu