projects.org.ge
prjects.org.ge
ნავიგატორი
40


„აიქარი“ მომხმარებელს „ტესლას“ მარკის მანქანებს სთავაზობს

„აიქარის“ (ელექტრომობილების გაზიარების სერვისის) ინფორმაციით, მომხმარებელს „ტესლას“ მარკის მანქანებს სთავაზობენ.

კომპანიაში აცხადებენ, რომ „აიქარს“ ე.წ. მესამე ინდუსტრიული რევოლუციის პირობებში შექმნილი ყველაზე ხმაურიანი პროექტი შემოაქვს ქართულ ბაზარზე. ელონ მასკის „ტესლა მოდელი 3“ უკვე „აიქარის“ გაზიარების სერვისშია და დღეიდან, სპეციალური შეკვეთის საფუძველზე, ნებისმიერ პირს, ვინც მართვის მოწმობას ფლობს მინიმუმ ორი წელი, შეუძლია ისარგებლოს ამ სერვისით.

„ტესლა“ საქართველოს გზებზე ჩვენთვის, როგორც ბიზნესისთვის მნიშვნელოვანი გამოწვევა იყო. როცა საუბრობ მომავლის პროექტებზე, გაქვს ამბიცია შემოიტანო ქვეყანაში ახალი ტრენდები, აკეთო მწვანე ბიზნესი ჯანსაღი მომავლისთვის – „ტესლას“ ელექტრომობილი ამ ყველაფრის განუყოფელი ნაწილია. დიახ, ჩვენ გვინდა, რომ „ტესლას“ ელექტრომობილები დადიოდეს საქართველოს გზებზე, გარემო დავიცვათ და გავაჯანსაღოთ, დავნერგოთ თანამედროვე ტრენდები, გავზარდოთ ცნობადობა საზოგადოებაში იმ პრობლემატიკის მიმართ, რომელიც მსოფლიოში ნომერ პირველია დღეს – გარემოს დაცვა. ვმუშაობთ და ეტაპობრივად ვავითარებთ ბაზარს. წინ კიდევ ბევრი სიახლეა. შემოგვიერთდით და გამოგვყევით მომავლის პროექტების განვითარების გზაზე. დავიცვათ გარემო და დავუტოვოთ მწვანე ქვეყანა ჩვენს მომავალ თაობებს“, – აცხადებს კომპანია „აიქარის“ დირექტორი გიორგი ხუროძე.

„ტესლა მოდელი 3“ 2018 წელს შეიქმნა და იგი სრულად ელექტრონულია. „მოდელი 3“ S და X მოდელების გაუმჯობესებული ვერსიაა. ამ მოდელს შეუძლია, ზუსტად 3,2 წამში 0-დან 97-მდე კმ/სთ განავითაროს.

კომპანიის ცნობით, „აიქარის“ პორტფელი „ტესლას“ „მოდელი 3“-ის 10 ერთეული ელექტრომობილით შეივსო. ამჟამად ავტოპარკში შემდეგი მარკის მანქანებია: „ნისან ლიფი“, „რენო ზოი“ და „ტესლა მოდელი 3“.

კომპანია „აიქარი“ ქართული კომპანიაა, რომელიც თბილისსა და ბათუმში ელექტრომობილების გაზიარების სერვისს სთავაზობს მომხმარებელს. ბაზარზე „აიქარი“ 2019 წლის აპრილიდან ფუნქციონირებს.

06-09-2019

წყარო: 1tv.ge

18-02-2019

ცემენტის გიგანტი LafargeHolcim ქართულ ბაზარზე პოზიციებს იმყარებს

01-04-2019

“შემოსავლებსა და კაპიტალზე ორმაგი დაბეგვრის თავიდან აცილებისა და გადასახადების გადაუხდელობის აღკვეთის შესახებ"

03-06-2019

7 ივნისამდე რიკოთის გვირაბში საავტომობილო მოძრაობა აიკრძალა

15-04-2019

გადავლენ თუ არა შიდაგანვადებაზე სამშენებლო კომპანიები და ტექნიკის მაღაზიები

15-04-2019

გადავლენ თუ არა შიდაგანვადებაზე სამშენებლო კომპანიები და ტექნიკის მაღაზიები

18-02-2019

ცემენტის გიგანტი LafargeHolcim ქართულ ბაზარზე პოზიციებს იმყარებს

01-04-2019

“შემოსავლებსა და კაპიტალზე ორმაგი დაბეგვრის თავიდან აცილებისა და გადასახადების გადაუხდელობის აღკვეთის შესახებ"

03-06-2019

7 ივნისამდე რიკოთის გვირაბში საავტომობილო მოძრაობა აიკრძალა


სიახლეების გამოწერა


2019 Oct
  • ორშ
  • სამ
  • ოთხ
  • ხუთ
  • პარ
  • შაბ
  • კვი
პროექტის პარტნიორები





















Copyright 2018. www.projects.org.ge. All Rights Reserved.
ვებსაიტი დამზადებულია და ატვირთულია projects.org.ge-ის მიერ