|
1423 |
---|
ფინანსთა სამინისტროს საგამოძიებო სამსახური ელმავალმშენებელ ქარხანაში შევიდა
როგორც უწყების განცხადებაშია აღნიშნული, საგამოძიებო პროცესი 2019 წლის 24 იანვარს დაიწყო.
"გამოძიება მიმდინარეობს საქართველოს სისხლის სამართლის კოდექსის 182-ე მუხლის მე-2 ნაწილის "დ" და მე-3 ნაწილის "ბ" ქვეპუნქტებით. გამოძიების ფარგლებში, სასამართლო განჩინებების საფუძველზე სს "ელმავალმშენებელი"-დან ამოღებულია 2017-2019 წლების საქმიანობის ამსახველი დოკუმენტაცია და ტარდება შესაბამისი საგამოძიებო მოქმედებები. ამოღებულ დოკუმენტებზე ფინანსთა სამინისტროს საგამოძიებო სამსახურში დანიშნულია და მიმდინარეობს თემატური რევიზია.
გამოძიების დაწყებამდე, შემოსავლების სამსახურის მიერ, მიმდინარეობდა სს "ელმავალმშენებელის" 2016-2019 წლების პერიოდის საგადასახადო შემოწმება და ინვენტარიზაცია, რომელიც ამჟამადაც გრძელდება", – ნათქვამია საგამოძიებო სამსახურის განცხადებაში.
შეგახსენებთ, რომ ელმავალმშენებელი ქარხნის დასაქმებულებმა კოლექტიური შრომის დავა დაიწყეს. პროფკავშირების ინფორმაციით, თანამშრომლები 6 თვის სახელფასო დავალიანებას და შრომითი პირობების გაუმჯობესებას ითხოვენ. მათი განცხადებით, უმეტესობას კუთვნილი ანაზღაურება რამდენიმე თვეა არ აუღია. |
17-02-2019
წყარო: commersant.ge
23-02-2019 ეკონომიკისა და მდგრადი განვითარების სამინისტროს ინოვაციების და ტექნოლოგიების სააგენტოს თანადაფინანსების გრანტების პროგრამის გამარჯვებული სტარტაპები ცნობილია |
---|
15-03-2019 გიორგი ქობულია - NEXI-სთან შეთანხმება იაპონია-საქართველოს ურთიერთობებს გააღრმავებს და იაპონურ ბაზარზე ქართულ კომპანიებს გააქტიურებს |
25-06-2019 დაკრედიტების მოცულობამ 27.6 მლრდ-ს გადააჭარბა |
15-04-2019 Facebook-ის აქციონერების ნაწილი მარკ ცუკერბერგის გადადგომას ითხოვს |