მთავრობამ წინანდალში სამორინეს მოწყობაზე სანებართვო მოსაკრებელი გააუქმა
ნავიგატორი
1278


მთავრობამ წინანდალში სამორინეს მოწყობაზე სანებართვო მოსაკრებელი გააუქმა

სოფელი წინანდალი ყაზბეგის მუნიციპალიტეტის შემდეგ მეორეა, სადაც მთავრობის დადგენილებით სამორინეს მოწყობაზე სანებართვო მოსაკრებელი გაუქმდა. სანებართვო მოსაკრებლის წლიური განაკვეთი რამდენიმე გამონაკლისის გარდა საქართველოს ტერიტორიაზე 5 მილიონ ლარს შეადგენს.

მთავრობის მიერ 29 მარტს მიღებული დადგენილების თანახმად, ცვლილება შევიდა „სამორინეს მოწყობისათვის სანებართვო მოსაკრებლის წლიური განაკვეთებისა და შეღავათების დადგენის თაობაზე“ საქართველოს მთავრობის 2012 წლის 11 ივლისის №250 დადგენილებაში. დადგენილების პირველი მუხლის მე-2 პუნქტი შემდეგი რედაქციით ჩამოყალიბდება: „ყაზბეგის მუნიციპალიტეტისა და თელავის მუნიციპალიტეტის სოფელ წინანდლის ტერიტორიებზე სამორინეს მოწყობა სანებართვო მოსაკრებლის გადახდისაგან გათავისუფლდეს“.

მოქმედი კანონმდებლობით  მოსაკრებელი საქართველოს მთელ ტერიტორიაზე (გარდა ქალაქ ბათუმისა, დუშეთის მუნიციპალიტეტის ბაზალეთის ტბის მიმდებარე ტერიტორიისა, გუდაურის სარეკრეაციო ტერიტორიისა, დაბა ბაკურიანის ტერიტორიისა, ასევე ქობულეთის, ბორჯომის, წყალტუბოსა და სიღნაღის მუნიციპალიტეტების ტერიტორიებისა) – წელიწადში 5 000 000 ლარია.

ქალაქ ბათუმში, დუშეთის მუნიციპალიტეტის ბაზალეთის ტბის მიმდებარე ტერიტორიაზე, ასევე ქობულეთისა და ბორჯომის მუნიციპალიტეტებში – წელიწადში 250 000 ლარი.

ახალციხის მუნიციპალიტეტის ტერიტორიაზე - წელიწადში 100 000 ლარი.

სანებართვო მოსაკრებლის გადახდისაგან თავისუფლდება სამორინეს მოწყობა ყაზბეგის, წყალტუბოსა და სიღნაღის მუნიციპალიტეტების ტერიტორიაზე, ასევე, დაბა ბაკურიანის და გუდაურის სარეკრეაციო ტერიტორიაზე. სანებართვო მოსაკრებლის გადახდისაგან თავისუფლდება ქალაქ ბათუმში, აგრეთვე ქობულეთისა და ხელვაჩაურის მუნიციპალიტეტებში ახლად აშენებული არანაკლებ ასნომრიანი სასტუმროს ტერიტორიაზე სამორინეს მოწყობა.

ასევე ზუგდიდის მუნიციპალიტეტის სოფელ ანაკლიასა დასოფელ განმუხურში ახლად აშენებული არანაკლებ ოთხმოცნომრიანი სასტუმროს ტერიტორიაზე სამორინეს მოწყობა სამორინეს მოწყობის ნებართვის გაცემიდან 10 წლის განმავლობაში.

ბოლო წლებში სახელმწიფო ბიუჯეტში სათამაშო ბიზნესის მოსაკრებლიდან შესული თანხა იზრდება. კერძოდ, 2018 წელს სათამაშო ბიზნესიდან ბიუჯეტში 136.5 მლნ ლარი შევიდა, რაც 2017 წლის მონაცემზე 17 მლნ ლარით, ხოლო 2014 წლის მონაცემზე 71.6 მლნ ლარით მეტია. ამის შესახებ ინფორმაციას Forbes-ის ქართული გამოცემა ავრცელებს.

04-04-2019

წყარო: imedinews.ge

28-12-2022

აღმოსავლეთ პარტნიორობის ევროპული სკოლა თბილისში: დაიწყო კონკურსი 2023/24 სასწავლო წლის სტიპენდიების მოსაპოვებლად

17-10-2019

26 ოქტომბერს თბილისში H&M-ის მესამე მაღაზია იხსნება

03-05-2019

ელექტროსისტემა: იმერეთის ელექტროგადამცემი ხაზი ავარიულად გამოირთო

22-02-2019

„Berliner Wein Trophy"-ის ჟიურიში ღვინის ექსპერტები საქართველოდან მიიწვიეს

22-02-2019

„Berliner Wein Trophy"-ის ჟიურიში ღვინის ექსპერტები საქართველოდან მიიწვიეს

28-12-2022

აღმოსავლეთ პარტნიორობის ევროპული სკოლა თბილისში: დაიწყო კონკურსი 2023/24 სასწავლო წლის სტიპენდიების მოსაპოვებლად

17-10-2019

26 ოქტომბერს თბილისში H&M-ის მესამე მაღაზია იხსნება

03-05-2019

ელექტროსისტემა: იმერეთის ელექტროგადამცემი ხაზი ავარიულად გამოირთო


სიახლეების გამოწერა











Copyright 2018. www.projects.org.ge. All Rights Reserved.
ვებსაიტი დამზადებულია და ატვირთულია projects.org.ge-ის მიერ