|
1379 |
---|
საქართველოში უძრავი ქონების რეგისტრაცია 19,9%-ით შემცირდა
საჯარო რეესტრის ეროვნული სააგენტოს ოფიციალური მონაცემებით, 2019 წლის თებერვალში უძრავი ქონების სარეგისტრაციო ტრანზაქციათა რაოდენობა წინა წლის იმავე თვესთან შედარებით 19.9%-ით შემცირდა და ქვეყნის მასშტაბით 59 733 ერთეული შეადგინა. სტატისტიკა აჩვენებს, წინა წლის იმავე თვესთან შედარებით შემცირდა უძრავი ქონების როგორც პირველადი (38.6%-ით), ისე მეორადი (11.9%-ით) ტრანზაქციების რაოდენობა. 2019 წლის თებერვალში პირველადი სარეგისტრაციო ტრანზაქციების რაოდენობამ 13 607 ერთეული შეადგინა, საიდანაც 8 439 ერთეული სახელმწიფო პროექტის ფარგლებში უფლების რეგისტრაციაა. მეორადი სარეგისტრაციო ტრანზაქციების რაოდენობამ კი 46 126 ერთეული შეადგინა, საიდანაც 6 675 სახელმწიფო პროექტის ფარგლებში ცვლილების რეგისტრაციაა, ხოლო 1 972 - სახელმწიფო პროექტის ფარგლებში ცვლილების რეგისტრაცია (რეგისტრაციის გაუქმება). რაც შეეხება პირველად და მეორად სარეგისტრაციო ტრანზაქციებს შორის თანაფარდობას, წინა წლის იმავე თვესთან შედარებით გაიზარდა მეორადი სარეგისტრაციო ტრანზაქციების წილი: 2019 წლის თებერვალში განხორციელებული სარეგისტრაციო ტრანზაქციების 77.2%-ს მეორადი, ხოლო 22.8%-ს პირველადი სარეგისტრაციო ტრანზაქციები შეადგენს (2018 წლის თებერვალში კი, შესაბამისად 70.2% და 29.8%). |
08-04-2019
წყარო: imedinews.ge
25-04-2019 ივანე მაჭავარიანი - 30-40 წლის შემდეგ საქართველოში საბაზისო პენსია ცალკე არ იქნება სამყოფი, სამყოფი იქნება საბაზისო დაგროვებითთან ერთად |
---|
29-08-2019 ევროკავშირის მეცნიერების ორგანიზაციის- Euraxess -ის დირექტორი: „კეთილი იყოს თქვენი ამბიციური იდეებით შემოსვლა ჩვენს ამბიციურ ორგანიზაციაში” |
31-03-2019 „უახლოესი 6 წლისთვის ჩვენ გვაქვს ამბიციური გეგმა, ქვეყანაში დამატებით, დაახლოებით, 100 000 ჰექტარი გასარწყავიანდება" |
11-04-2019 საქართველოდან ევროკავშირში ექსპორტიორი კომპანიების რაოდენობა 37%-ით გაიზარდა |