|
1421 |
---|
აშშ-მა ევროკავშირიდან $11 მილიარდის პროდუქტებზე შესაძლოა ტარიფები დააწესოს
აშშ ევროკავშირიდან 11 მილიარდი ღირებულების პროდუქტებზე ტარიფების დაწესებას განიხილავს იმ სუბსიდიის საპასუხოდ, რასაც Airbus-ი ევროკავშირიდან იღებს. ამის შესახებ ინფორმაციას BBC ავრცელებს. აშშ-ის სავაჭრო წარმომადგენლის თქმით, ტარიფები შესაძლოა შეეხოს თვითმფრინავებსაც და ყველის პროდუქტებსაც. ევროკავშირის განცხადებით, შესაძლო ტარიფები "ძალიან გადაჭრაბებულია". გადაწყვეტილებამ აშშ-სა და ევროკავშირს შორის სავაჭრო ურთიერთობები შესაძლოა დაძაბოს. ტარიფები შეეხება ევროკავშირიდან აშშ-ში იმპორტის სახით შესულ ლიმონს, ყველს, ზეითუნის ზეთს, ღვინოს, ქაშმირის ტანსაცმელს, კერამიკულ ნაწარმს, კედლის საათების გარკვეულ კატეგორიას და ა.შ. აშშ-ის პრეზიდენტმა დონალდ ტრამპმა 2018 წლის 8 მარტს ხელი მოაწერა განკარგულებას, რომლის მიხედვითაც, ფოლადის იმპორტზე 25%, ალუმინზე კი 10%-იანი საბაჟო გადასახადი დაწესდა. დოკუმენტი 31 მაისს ამოქმედდა. გასული წლის 22 ივნისს ევროკავშირის მიერ აშშ-ს საპასუხოდ დაწესებული საბაჟო გადასახადი ამოქმედდა. ამერიკის შეერთებული შტატების მიერ დაწესებულ ტარიფებს ევროკავშირის გარდა ჩინეთმა, ევროკავშირმა, კანადამ და რუსეთმაც უპასუხა. |
10-04-2019
წყარო: imedinews.ge
04-03-2019 საქართველოს საფრანგეთის საპენსიო ფონდის ხელმძღვანელი ეწვევა |
---|
18-03-2019 დავით სერგეენკო - საქართველოში კლინიკების რაოდენობით უკვე საშუალოევროპულ დონეზე ვართ |
25-04-2019 ქვეყნები, სადაც საქართველოდან მსხვილი საოჯახო ტექნიკა გადის |
27-08-2019 აბაშის მუნიციპალიტეტში, გარემოს დაცვისა და სოფლის მეურნეობის სამინისტროს სურსათის ეროვნული სააგენტოს რეგიონული სამსახურის ოფისი გაიხსნა. |