ივანე მაჭავარიანი: საქართველოს აქვს ყველა შესაძლებლობა, მაღალ დონეზე უმასპინძლოს აზიის განვითარების ბანკის ყოველწლიურ შეხვედრას
ნავიგატორი
1157


ივანე მაჭავარიანი: საქართველოს აქვს ყველა შესაძლებლობა, მაღალ დონეზე უმასპინძლოს აზიის განვითარების ბანკის ყოველწლიურ შეხვედრას

საქართველოს აქვს ყველა შესაძლებლობა, 2021 ან 2022 წელს, მაღალ დონეზე უმასპინძლოს აზიის განვითარების ბანკის (ADB) ყოველწლიურ შეხვედრას,- აღნიშნა საქართველოს ფინანსთა მინისტრმა.

 

აღნიშნული წინადადება ივანე მაჭავარიანმა ADB-ს პრეზიდენტთან, ტაკეჰიკო ნაკაოსთან და ბანკის დირექტორებთან აზიის განვითარების ბანკის 52-ე წლიური შეხვედრის ფარგლებში გამართული მოლაპარაკებებისას დააყენა და აღნიშნა, რომ საქართველოს უკვე გაკეთებული აქვს ოფიციალური განაცხადი.

 

როგორც ივანე მაჭავარიანმა აღნიშნა, თბილისში მსგავსი მასშტაბის ღონისძიების ჩატარება, მნიშვნელოვანი ნაბიჯი იქნება, საქართველომ კიდევ ერთხელ წარმოაჩინოს საკუთარი შესაძლებლობები და განხორციელებული რეფორმები, მით უფრო, რომ ქვეყანამ 2015 წლის მაისში, წარმატებით უმასპინძლა ევროპის რეკონსტრუქციისა და განვითარების ბანკის ყოველწლიურ შეხვედრასა და ბიზნესფორუმს.

 

ფინანსთა მინისტრმა ADB-ს ხელმძღვანელობას მადლობა გადაუხადა იმ მტკიცე მხარდაჭერისა და თანადგომისთვის, რომელსაც აზიის განვითარების ბანკი უწევს საქართველოს რეფორმების განხორციელების პროცესში, ასევე, ქვეყნის ძირითადი საგზაო ინფრასტრუქტურის განვითარების მიმართულებით.

 

შეხვედრაზე საქართველოს ფინანსთა მინისტრმა და ბანკის დირექტორებმა ყურადღება გაამახვილეს 2019-2021 წლების თანამშრომლობის საკითხებზე, ხაზი გაესვა განათლების სფეროს, მათ შორის, პროფესიული განათლების რეფორმისა და ადამიანური კაპიტალის განვითარების პროცესში ADB-ს ჩართულობის მნიშვნელობას.

 

აზიის განვითარების ბანკის ხელმძღვანელობის მხრიდან დადებითად შეფასდა ქვეყანაში განხორციელებული და მიმდინარე რეფორმები. აღინიშნა ის მზარდი პოტენციალი, რომელიც საქართველოს აქვს ტურისტული სექტორის განვითარების მიმართულებით. აღსანიშნავია, რომ ADB-ს წლიური შეხვედრის ფარგლებში, ფინანსთა მინისტრმა მონაწილეობა მიიღო ცენტრალური აზიის რეგიონული ეკონომიკური თანამშრომლობის პროგრამის (CAREC)მაღალი დონის შეხვედრაში, რომელიც სწორედ ტურიზმის სფეროს განვითარების საკითხებს მიეძღვნა.

 

ვიზიტის ფარგლებში გამართულ ყველა შეხვედრაზე, ბანკის წარმომადგენლები მიესალმნენ ორმხრივი პარტნიორობის პოზიტიურ დინამიკას და იმედი გამოთქვეს, რომ ის მომავალშიც ნაყოფიერად გაგრძელდება.

 

საქართველო აზიის განვითარების ბანკის წევრია 2007 წლიდან. ამჟამად, ADB-ს მიერ საქართველოსთვის გამოყოფილი დაფინანსების ოდენობა, დაახლოებით, 2.8 მილიარდ აშშ დოლარს შეადგენს.

03-05-2019

წყარო: pia.ge

15-02-2019

სატრანსპორტო დარგების მიერ გადაზიდული ტვირთების მოცულობა 2018 წელსაც შემცირდა

18-03-2019

ბერლინში ტრანსპორტით მგზავრობისას ქალები მამაკაცებზე უფრო ნაკლებს გადაიხდიან

03-07-2019

თბილისის მერია „გალტ ენდ თაგარტთან“ პარტნიორობით ტურიზმის სფეროს წარმომადგენლებისთვის სემინარს გამართავს

09-09-2019

ფინანსური ანგარიშგების საერთაშორისო სტანდარტზე სასწავლო კურსის პირველ დღე

09-09-2019

ფინანსური ანგარიშგების საერთაშორისო სტანდარტზე სასწავლო კურსის პირველ დღე

15-02-2019

სატრანსპორტო დარგების მიერ გადაზიდული ტვირთების მოცულობა 2018 წელსაც შემცირდა

18-03-2019

ბერლინში ტრანსპორტით მგზავრობისას ქალები მამაკაცებზე უფრო ნაკლებს გადაიხდიან

03-07-2019

თბილისის მერია „გალტ ენდ თაგარტთან“ პარტნიორობით ტურიზმის სფეროს წარმომადგენლებისთვის სემინარს გამართავს


სიახლეების გამოწერა











Copyright 2018. www.projects.org.ge. All Rights Reserved.
ვებსაიტი დამზადებულია და ატვირთულია projects.org.ge-ის მიერ