მესტიაში „ევროპის დღე" აღნიშნეს
ნავიგატორი
941


მესტიაში „ევროპის დღე" აღნიშნეს

მესტიის მუნიციპალიტეტმა ზემო სვანეთში ადგილობრივი განვითარების მხარდამჭერი ორი პროექტის ოფიციალური გახსნის ღონისძიებას და სახალხო ზეიმს „ევროკავშირი სვანეთში“ უმასპინძლა. ღონისძიების ორგანიზატორები იყვნენ ევროკავშირის დელეგაცია საქართველოში, შვედეთის სამეფოს საელჩო თბილისში, ავსტრიის განვითარებისა და თანამშრომლობის განვითარების სააგენტო, მესტიის მუნიციპალიტეტი, CARE ავსტრია და PMCG კვლევა.

პროექტების გახსნით ღონისძიებაზე დამსწრეებს ოფიციალური სიტყვებით მიმართეს ევროკავშირის წარმომადგენლობა საქართველოში პროექტების განყოფილების უფროსმა ვინსენტრეიმ, შვედეთის საელჩოს განვითარების სააგენტოს ხელმძღვანელმა მოლი ლიენმა, ავსტრიის განვითარების სააგენტოს საერთაშორისო პროგრამებისა და პროექტების განყოფილების დირექტორმა ჰეინც ჰაბერტოიერმა, CARE ავსტრიას დირექტორის მოადგილემ რობერტ ვოფსბურგერმა და მესტიის მერმა კაპიტონ ჟორჟოლიანმა.

ღონისძიებაზე წარადგინეს დონორები, ENPARD ის განმახორციელებელი პარტნიორები, პროექტი GRETA, LEADER განმახორციელებლები, ადგილობრივი განვითარების მხარდამჭერი ახალი პროექტების მიზნები, ამოცანები, მიდგომები და აქტივობები.

მოგვიანებით, დელეგაციამ მოინახულა სვანეთის მუზეუმი, რომ უკეთ გასცნობოდა ადგილობრივ კულტურას და ტრადიციებს. ხოლო, დღის ბოლოს საჯარო ღონისძიების ოფიციალური გახსნის ცერემონია გაიმართა. ღონისძიებაზე ადგილობრივ მოსახლეობას ჰქონდა შესაძლებლობა, რომ მიეღო მონაწილეობა სხვადასხვა აქტივობაში და გაცნობოდა ევროკავშირის მიერ დაფინანსებული საინტერესო პროექტებს.

მესტიაში სხვადასხვა შემეცნებითი და გასართობი ღონისძიება გაიმართა. გარდა ამისა, გაიმართა გამოფენა, რომელშიც მონაწილეობა ასოციაცია ,,ათინათთმა" მიიღო.

24-06-2019

წყარო: radioatinati.ge

02-12-2019

პროექტს - „100 საინვესტიციო შეთავაზება ბიზნესს“ 2 დღეში 11000-ზე მეტი მომხმარებელი გაეცნო

17-03-2019

რას ვყიდით და ვყიდულობთ ჩინეთში

16-05-2019

ჭიათურაში მაღაროელები გაიფიცნენ

15-02-2019

ბერლინის საერთაშორისო კინოფესტივალზე, Berlinale, პროგრამის „გადაიღე საქართველოში“ სტენდი იქნება წარმოდგენილი

15-02-2019

ბერლინის საერთაშორისო კინოფესტივალზე, Berlinale, პროგრამის „გადაიღე საქართველოში“ სტენდი იქნება წარმოდგენილი

02-12-2019

პროექტს - „100 საინვესტიციო შეთავაზება ბიზნესს“ 2 დღეში 11000-ზე მეტი მომხმარებელი გაეცნო

17-03-2019

რას ვყიდით და ვყიდულობთ ჩინეთში

16-05-2019

ჭიათურაში მაღაროელები გაიფიცნენ


სიახლეების გამოწერა














Copyright 2018. www.projects.org.ge. All Rights Reserved.
ვებსაიტი დამზადებულია და ატვირთულია projects.org.ge-ის მიერ