2019 წლის 1 მაისიდან Kakheti Regional Development Foundation (KRDF), TASO Foundation • ფონდი ტასო და ქეა საერთაშორისო კავკასიაში (CARE) ქალთა ეკონომიკური გაძლიერების მიზნით ახორციელებენ პროექტს - „ქალთა ეკონომიკური გაძლიერება სოციალური მობილიზაციისა და შესაძლებლობების განვითარების გზით“.

პროექტის ფარგლებში, აქტიურად მიმდინარეობს შეხვედრები კახეთის, ქვემო ქართლისა და სამცხე-ჯავახეთის 9 მუნიციპალიტეტში მცხოვრებ ქალთა ჯგუფებთან.

შეხვედრები გაიმართა სამცხე-ჯავახეთის სოფლებში: წნისში, სვირში, ვაჩიანში, ტოლოშში, ხერთვისსა და ბოგაში მცხოვრებ ქალებთან, სადაც განიხილეს სოციალური მობილიზაციის მიდგომები, ადგილობრივი თემის საჭიროებები და მათი შესაძლო გადაჭრის გზები.

მარნეულის მუნიციპალიტეტის სოფლებში - ხულდურასა და მაღაოღლში მცხოვრებ ქალებს ჩაუტარდათ ტრენინგი სამოქალაქო ჩართულობასა და თვითმართველობის საკითხებთან დაკავშირებით.

პროექტი ხორციელდება შვეიცარიის განვითარებისა და თანამშრომლობის სააგენტოს (SDC), ავსტრიის განვითარების თანამშრომლობისა (ADC) და გაეროს ქალთა ორგანიზაციის (UN Women) მხარდაჭერით, რეგიონული პროექტის „ქალთა ეკონომიკური გაძლიერება სამხრეთ კავკასიაში" ფარგლებში.