„ინვესტიციების წახალისების შეთანხმება კორეიდან ინვესტიციებს გაზრდის"
ნავიგატორი
1607


„ინვესტიციების წახალისების შეთანხმება კორეიდან ინვესტიციებს გაზრდის"

საქართველოსა და კორეას შორის ინვესტიციების წახალისებისა და ურთიერთდაცვის შესახებ შეთანხმების ამოქმედება საქართველოში კორეულ ინვესტიციებს გაზრდის, - ამის შესახებ ეკონომიკისა და მდგრადი განვითარების მინისტრმა გიორგი ქობულიამ განაცხადა, რომელიც კორეაში სამუშაო ვიზიტით იმყოფება.

ეკონომიკის სამინისტროს ინფორმაციით, ვიზიტის ფარგლებში უკვე გაიმართა შეხვედრა კორეის საგარეო საქმეთა ვიცე-მინისტრთან, აგრეთვე გაფორმდა მთავრობათაშორისი შეთანხმება ეკონომიკური თანამშრომლობის შესახებ. აღნიშნულ შეთანხმებაზე ხელმოწერის შემდეგ, ქართულმა მხარემ საქართველოსა და კორეას შორის ინვესტიციების წახალისებისა და ურთიერთდაცვის შესახებ შეთანხმების პროექტზე მოლაპარაკების დაწყების ინიციატივა გამოხატა.

მინისტრის განცხადებით, აღნიშნული შეთანხმება მხარეებს გაუხსნის გზას კორეის რესპუბლიკასთან თავისუფალი ვაჭრობის შეთანხმებაზე მოლაპარაკებების დასაწყებად.

„ჩვენ ვგეგმავთ უწყებათაშორისი კომისიის შექმნას და მოლაპარაკებების ინიცირებას. ჩვენთვის კორეა მნიშვნელოვანი ბიზნესპარტნიორი და მსხვილი ინვესტორია. კორეულ კომპანიებს განხორციელებული აქვთ ინვესტიცია საქართველოს ენერგეტიკაში, რასაც ჩვენ დიდ მნიშვნელობას ვანიჭებთ“, - განაცხადა გიორგი ქობულიამ.

2007 – 2017 წლებში საქართველოში დაახლოებით 97 მლნ აშშ დოლარის ოდენობის კორეული ინვესტიცია განხორციელდა, 2018 წლის სამ კვარტალში აღნიშნულმა მაჩვენებელმა დაახლოებით 39 მლნ აშშ დოლარი შეადგინა, რაც 2017 წლის ანალოგიურ მაჩვენებელს 204 პროცენტით აღემატება. კორეული ინვესტიციების უდიდესი ნაწილი ენერგეტიკაში, ასევე ტრანსპორტში, სასტუმრო ბიზნესსა და უძრავ ქონებაში განხორციელდა.

11-03-2019

წყარო: bpn

02-05-2019

ეროვნულმა ბანკმა თბილისში 25 სავალუტო ჯიხურს რეგისტრაცია გაუუქმა

01-05-2023

კონკურსი გაეროს მოდელირების პროექტში მონაწილეობის მისაღებად

18-02-2019

სასტიპენდიო პროგრამა არასამთავრობო სექტორის ლიდერებისთვის

04-03-2019

საქართველოს ბანკი მარტში ქალ მეწარმეებს განსაკუთრებულ პირობებს სთავაზობს

04-03-2019

საქართველოს ბანკი მარტში ქალ მეწარმეებს განსაკუთრებულ პირობებს სთავაზობს

02-05-2019

ეროვნულმა ბანკმა თბილისში 25 სავალუტო ჯიხურს რეგისტრაცია გაუუქმა

01-05-2023

კონკურსი გაეროს მოდელირების პროექტში მონაწილეობის მისაღებად

18-02-2019

სასტიპენდიო პროგრამა არასამთავრობო სექტორის ლიდერებისთვის


სიახლეების გამოწერა











Copyright 2018. www.projects.org.ge. All Rights Reserved.
ვებსაიტი დამზადებულია და ატვირთულია projects.org.ge-ის მიერ