|
1794 |
---|
თურქეთში დაჯარიმებული უცხოეთში რეგისტრირებული ავტომანქანები ჯარიმის გადაუხდელად ქვეყანას ვერ დატოვებენ
ტრაპიზონში საქართველოს კონსულის ავთანდილ მიქაცაძის ცნობით, თურქეთის შინაგან საქმეთა სამინისტროს განკარგულებით, უცხო ქვეყანაში რეგისტრირებულ ყველა სახის ავტომანქანას, რომელიც თურქეთში რამე მიზეზით დაჯარიმდება, დღეიდან ჯარიმის გადაუხდელად ქვეყანის დატოვება აეკრძალება. „ქვეყანაში მოქმედი კანონმდებლობისა და ახალი რეგულაციების თანახმად, საკმაოდ სოლიდურია საგზაო ადმინისტრაციული ჯარიმების ოდენობა და შესაძლოა აღნიშნულმა ცვლილებამ, სამშობლოში დაბრუნებისას დიდი პრობლემები შეუქმნას საქართველოს მოქალაქეებს“, - აცხადებენ საკონსულოში. „დამატებით გაცნობებთ, რომ 2019 წ. 1-ელი მაისიდან თურქეთის მთელ ტერიტორიაზე, უცხო ქვეყანაში რეგისტრირებულ ავტომანქანებზე გამოწერილი ჯარიმები ფიქსირდება ერთიან ელექტრონულ ბაზაში და შესაბამისად, საზღვრის გადაკვეთა ვერ მოხდება ადმინისტრაციული ჯარიმის გადახდის გარეშე. თურქეთის პრესაში გავრცელებული ინფორმაციის თანახმად, თურქეთ-ბულგარეთის სასაზღვრო გამშვებ პუნქტ „კაფიკულე“-ზე, მხოლოდ 2019 წლის 1-2 მაისს, ამოიღეს მილიონ 200 ათასი თურქული ლირა“, - აცხადებს კონსული. |
03-05-2019
წყარო: imedinews.ge
08-09-2022 ტრენინგი: საზოგადოებასთან ურთიერთობის უნარების გაუმჯობესება ციფრული ინსტრუმენტების გამოყენებით |
---|
17-07-2023 მეფუტკრე ფერმერებისთვის ტრენინგების მესამე ფაზა იწყება |
22-05-2023 კონკურსი ეთნიკური უმცირესობის ახალგაზრდებისთვის |
15-04-2019 ტოკიომ უცხოელების დასაქმებისთვის ახალი სავიზო რეჟიმი აამოქმედა - ვის შეეძლება იაპონიაში მუშაობა |