უკრაინის ანტიკორუფციულმა ბიურომ, სახელმწიფო ბიუჯეტის სავარაუდოდ ბოროტად გამოყენების ფაქტზე, უკრაინის რადის სპიკერის ანდრეის პარუბის წინააღმდეგ გამოძიება დაიწყო. ამის შესახებ ინფორმაციას უკრაინული მედია ავრცელებს. 

გამოძიება დაიწყო მას შემდეგ, რაც ინტერნეტში გავრცელდა ვიდეო, რომელზეც ჩანს, რომ დეპუტატი კატარში ხუთვარსკვლავიანი სასტუმროს Intercontinental Doha-ს აუზში ცურავს. ეს მოხდა მაშინ, როდესაც პარუბი პარლამენტთაშორისი კავშირის 140-ე ასამბლეას ესწრებოდა. პარლამენტარის გამგზავრების თანხა უკრაინის ბიუჯეტიდან დაფინანსდა.