|
1629 |
---|
ფოთის პორტის მშენებლობის ტენდერში ქართულმა კომპანიებმა მონაწილეობა შესაძლოა, ვერ მიიღონ
ქართული კომპანიები სავარაუდოდ, ფოთის ღრმაწყლოვანი პორტის მშენებლობის ტენდერში ვერ მიიღებენ მონაწილეობას, - ამის შესახებ „პეის ჯგუფის“ დამფუძნებელმა ირაკლი კერვალიშვილმა „პეის ჯგუფის“ საზღვაო ტერმინალის მშენებლობის პროექტზე საუბრისას განაცხადა. მისივე თქმით, ამერიკის კერძო უცხოური ინვესტიციების კორპორაცია OPIC-ს, რომელიც 50 მილიონი დოლარით აფინანსებს პროექტს, საკმაოდ მაღალი მოთხოვნები აქვს. ამასთან, როგორც მან აღნიშნა, ქართულ სამშენებლო კომპანიებს არ აქვთ ის გამოცდილება და კვალიფიკაცია, რაც მსგავსი მასშტაბის პროექტის განხორციელებას სჭირდება. „უკვე მზად გვაქვს სატენდერო დოკუმენტაცია. ორ-სამ თვეში გამოვაცხადებთ ტენდერს, რის შედეგადაც გამოვავლენთ სამუშაოების შემსრულებელ კომპანიას. უკვე გამოთქვეს ინტერესი ნორვეგიულმა, ჰოლანდიურმა, თურქულმა სამშენებლო კომპანიებმა. ცხადია, შერჩეულ კომპანიას ქვეკონტრაქტორები დასჭირდება და ჩვენ იმ ქართულ კომპანიებს გავუწევთ რეკომენდაციას, რომლებთანაც აქამდე წარმატებით ვთანამშრომლობდით,“ - განაცხადა ირაკლი კერვალიშვილმა. მისივე თქმით, ღრმაწყლოვანი ნავმისადგომი ფოთში 2020 წლის ბოლოს გვექნება. ცნობისთვის, „პეის ჯგუფის“ საზღვაო ტერმინალის მშენებლობის პროექტი ჯამში 120 მლნ აშშ დოლარის ღირებულებისაა. ტერიტორია, სადაც „პეის ჯგუფი“ საპორტო ინფრასტრუქტურას ავითარებს, 25 ჰექტარს მოიცავს. ჯამში 700 მეტრამდე ნავმისადგომის მშენებლობა იგეგმება. თავად პორტი კი 12 მეტრი სიღრმის იქნება. |
21-02-2019
წყარო: bpn
03-05-2019 ზუგდიდში ბოტანიკური ბაღი და ეკატერინეს სასახლე აღდგება |
---|
31-03-2019 პორტისთვის ახალ კომპანიას არ ვეძებთ — სსიპ ანაკლიის განვითარების სააგენტო |
16-05-2019 ვითიბი ბანკის მხარდაჭერით ე.წ. წითელი ბაღი გაიხსნა |
11-04-2019 თბილისში კავკასიაში ყველაზე დიდი მულტიპროფილური ლაბორატორია „მეგალაბი“ გაიხსნა |