ცქიტიშვილი: სტრატეგიული პარტნიორის მხრიდან ანაკლიის პორტის თემაზე აქცენტი არ ნიშნავს, რომ აქ პრობლემა უნდა ვეძებოთ
ნავიგატორი
1279


ცქიტიშვილი: სტრატეგიული პარტნიორის მხრიდან ანაკლიის პორტის თემაზე აქცენტი არ ნიშნავს, რომ აქ პრობლემა უნდა ვეძებოთ

საქართველოს ვიცე-პრემიერის, ინფრასტრუქტურის მინისტრის მაია ცქიტიშვილის განცხადებით, საქართველოს და აშშ-ის ურთიერთობაში პრობლემებს ვერავინ იპოვის, რადგან ისინი უბრალოდ არ არსებობს.

ამის შესახებ მინისტრმა TV პირველის ეთერში, გადაცემა „პოლიტმეტრში“ განაცხადა.

 

„როცა აშშ-ისა და საქართველოს ურთიერთობაზე ვსაუბრობთ, აქ პრობლემებს ვერავინ იპოვის, რადგან უბრალოდ არ არსებობს. ეს არის ურთიერთობა, რომლის განვითარების დინამიკა არის თვალსაჩინო. ამაზე მეტყველებს მაღალი დონის ვიზიტები, შეხვედრები, მხარდამჭერი განცხადებები, რაც უზრუნველყოფს ჩვენი ქვეყნის უსაფრთხოებასა და განვითარებას. ამიტომ, ამ მიმართულებით გამოთქმულ სკეპტიციზმს ვერ გავიზიარებ,“ - განაცხადა ცქიტიშვილმა.

 

რეგიონული განვითარებისა და ინფრასტრუქტურის მინისტრის თქმით, აშშ-ის სახელმწიფო მდივნის გზავნილებში ანაკლიის პორტის თემაზე აქცენტი არ ნიშნავს, რომ აქ პრობლემა უნდა ვეძებოთ.

 

„ისევე როგორც ნატოში ინტეგრაციაზეა ხაზგასმა და ჩვენს ჩართულობაზე საერთაშორისო მისიებში, სხვა მხარდამჭერი გზავნილები, სწორედ ამ კონტექსტში უნდა განვიხილოთ ეს თემაც. ორი ქვეყნის სტრატეგიული პარტნიორობის დღის წესრიგში სხვადასხვა ეტაპზე იცვლება საკითხები და აქცენტები. მაშინ როცა უსაფრთხოების სფეროში თანამშრომლობა მდგრადი და სტაბილურია, ეკონომიკური თანამშრომლობა შემდეგი ნაბიჯია და მისი განვითარება ორივე ქვეყნის ინტერესის საგანია,“ - აღნიშნა მაია ცქიტიშვილმა.

 

მისივე თქმით, ანაკლიის პორტი არის სტრატეგიულად მნიშვნელოვანი პროექტი როგორც ლოგისტიკური ინფრასტრუქტურის განვითარების თვალსაზრისით, ისე რეგიონის უსაფრთხოების კუთხით და პირველ რიგში, ეს აქცენტი ოკუპირებულ ტერიტორიებს ეხება.

 

ვიცე-პრემიერმა ფოთის პორტთან დაკავშირებულ საკითხებზეც ისაუბრა და აღნიშნა, რომ როცა ორი პორტის განვითარებაზეა საუბარი, სახელმწიფოსთვის პრიორიტეტული ანაკლიის ნავსადგურის განვითარებაა.

 

„ამას ადასტურებს ის ფინანსური თუ სხვა სახის ვალდებულებები, რომელიც ჩვენ ავიღეთ და ვასრულებთ ანაკლიასთან მიმართებაში, როცა მსგავსი მიდგომა არ გვქონია სხვა პორტებთან. გარწმუნებთ, ამ პროექტით საერთაშორისო ბანკების დაინტერესებაც არ მომხდარა ჩვენი მონაწილეობის გარეშე. ეს ყველაფერი მიუთითებს, რომ სახელმწიფოს როლი ამ პროექტთან მიმართებით არის უპრეცედენტოდ მაღალი და ყოველგვარი ეჭვები უსაფუძვლოა", - განაცხადა მაია ცქიტიშვილმა.

13-06-2019

წყარო: pia.ge

25-10-2022

26-28 ოქტომბერს საერთაშორისო საინვესტიციო კონფერენცია გაიმართება

15-03-2019

დღეს ფინანსთა მინისტრი, ივანე მაჭავარიანი ამერიკის შეერთებული შტატების საერთაშორისო განვითარების სააგენტოს (USAID) მისიის ხელმძღვანელს საქართველოში პიტერ ვიბლერს შეხვდა

19-03-2019

გერმანიაში ღვინის გამოფენაში 27-მა ქართულმა კომპანიამ მიიღო მონაწილეობა

16-03-2023

საზღვარგარეთ კვალიფიკაციის ამაღლების პროგრამა 2023-2024

16-03-2023

საზღვარგარეთ კვალიფიკაციის ამაღლების პროგრამა 2023-2024

25-10-2022

26-28 ოქტომბერს საერთაშორისო საინვესტიციო კონფერენცია გაიმართება

15-03-2019

დღეს ფინანსთა მინისტრი, ივანე მაჭავარიანი ამერიკის შეერთებული შტატების საერთაშორისო განვითარების სააგენტოს (USAID) მისიის ხელმძღვანელს საქართველოში პიტერ ვიბლერს შეხვდა

19-03-2019

გერმანიაში ღვინის გამოფენაში 27-მა ქართულმა კომპანიამ მიიღო მონაწილეობა


სიახლეების გამოწერა











Copyright 2018. www.projects.org.ge. All Rights Reserved.
ვებსაიტი დამზადებულია და ატვირთულია projects.org.ge-ის მიერ