საქსტატი - ივნისში დეფლაცია დაფიქსირდა, წლიური ინფლაცია კი, 4.3 პროცენტამდე შემცირდა
ნავიგატორი
1363


საქსტატი - ივნისში დეფლაცია დაფიქსირდა, წლიური ინფლაცია კი, 4.3 პროცენტამდე შემცირდა

სტატისტიკის ეროვნული სამსახურის მონაცემებით, 2019 წლის ივნისში წინა თვესთან შედარებით, ინფლაციის დონემ საქართველოში მინუს ერთი (-1) პროცენტი შეადგინა, ხოლო წლიური ინფლაციის დონემ 4.3 პროცენტი შეადგინა, მაისში წლიური ინფლაცია 4.7 პროცენტი იყო.

საქსტატის ცნობით, ივნისში წინა თვესთან შედარებით, სურსათისა და უალკოჰოლო სასმელების ჯგუფში დაფიქსირდა ფასების 3.9 პროცენტიანი კლება. ფასები შემცირებულია შემდეგ ქვეჯგუფებზე: ბოსტნეული და ბაღჩეული (-27.9 პროცენტი), ხილი და ყურძენი (-5.8 პროცენტი). ამასთან, ფასები გაიზარდა შაქარზე, ჯემსა და სხვა ტკბილეულზე 1.3 პროცენტით, ასევე რძის, ყველისა და კვერცხის ქვეჯგუფზე 0.7 პროცენტით.

ტრანსპორტის ჯგუფში დაფიქსირდა ფასების 0.9 პროცენტიანი მატება, რაც 0.1 პროცენტული პუნქტით აისახა ინფლაციის მთლიან მაჩვენებელზე. ჯგუფში ფასები გაიზარდა სატრანსპორტო საშუალებების შეძენაზე 1.1 პროცენტით და პირადი სატრანსპორტო საშუალებების ექსპლუატაციაზე – 1.0 პროცენტით.

ჯანმრთელობის დაცვის ჯგუფში დაფიქსირდა ფასების 0.8 პროცენტიანი მატება. ფასები გაზრდილია სამედიცინო პროდუქციის, აპარატურისა და მოწყობილობის ქვეჯგუფზე 1.9 პროცენტით.

რაც შეეხება წლიურ ინფლაციას, სურსათისა და უალკოჰოლო სასმელების ჯგუფში ფასები გაიზარდა 6.5 პროცენტით, ალკოჰოლური სასმელებისა და თამბაქოს ჯგუფში 20.1 პროცენტით; ტრანსპორტის ჯგუფში დაფიქსირდა ფასების 3.2 პროცენტიანი მატება; დასვენების, გართობისა და კულტურის მიმართულებით ფასები გაზრდილია 5 პროცენტით; ჯანმრთელობის დაცვის სფეროში კი, მომატებულია 2.9 პროცენტით.

03-07-2019

წყარო: 1tv.ge

02-05-2019

მუსიკოსობიდან ღვინის მწერლობამდე. შეხვედრა საიმონ ვულფთან

03-07-2019

ღვინის ეროვნული სააგენტო - ექსპორტირებული ღვინის რაოდენობა 6%-ით, ხოლო ღირებულება 9%-ით გაიზარდა

05-07-2019

შემოსავლების სამსახურის მოძრავი სერვისცენტრი გადამხდელებს 37 ლოკაციაზე მოემსახურება

19-04-2019

ბერძნული ავიაკომპანია ELLINAIR-ი თბილისის მიმართულებით სეზონურ ფრენებს შეასრულებს

19-04-2019

ბერძნული ავიაკომპანია ELLINAIR-ი თბილისის მიმართულებით სეზონურ ფრენებს შეასრულებს

02-05-2019

მუსიკოსობიდან ღვინის მწერლობამდე. შეხვედრა საიმონ ვულფთან

03-07-2019

ღვინის ეროვნული სააგენტო - ექსპორტირებული ღვინის რაოდენობა 6%-ით, ხოლო ღირებულება 9%-ით გაიზარდა

05-07-2019

შემოსავლების სამსახურის მოძრავი სერვისცენტრი გადამხდელებს 37 ლოკაციაზე მოემსახურება


სიახლეების გამოწერა











Copyright 2018. www.projects.org.ge. All Rights Reserved.
ვებსაიტი დამზადებულია და ატვირთულია projects.org.ge-ის მიერ