ახალგაზრდა მეცნიერთა კვლევების საგრანტო კონკურსი
ნავიგატორი
471


ახალგაზრდა მეცნიერთა კვლევების საგრანტო კონკურსი

უნიკალური ნომერი: 001717

კონკურსის შესახებ:

ფონდი აცხადებს 2024 წლის ახალგაზრდა მეცნიერთა კვლევების გრანტით დაფინანსების კონკურსს

კონკურსის სახელწოდება

ახალგაზრდა მეცნიერთა კვლევების გრანტით დაფინანსების კონკურსი

კონკურსის აბრევიატურა YS

კონკურსის მიზანი

კონკურსის მიზანია ახალგაზრდა მეცნიერთა სამეცნიერო-კვლევითი პროექტების მხარდაჭერის გზით ხელი შეუწყოს მათი სამეცნიერო კვლევების ხარისხის გაუმჯობესებას, თემატური ან ინტერდისციპლინური მიმართულებით სამეცნიერო თანამშრომლობის გაღრმავებასა და აკადემიურ საქმიანობაში ჩართულობას, აგრეთვე, საქართველოს უმაღლესი საგანმანათლებლო დაწესებულებების სამეცნიერო-კვლევითი საქმიანობის გაძლიერებასა და გაუმჯობესებას.

საპროექტო განაცხადის ტიპი ინსტიტუციური

კონკურსის ძირითადი პირობები:

ახალგაზრდა მეცნიერთა კვლევების გრანტით დაფინანსების კონკურსში პროექტების წარდგენა შესაძლებელია სამეცნიერო მიმართულებების კლასიფიკატორით განსაზღვრულ შემდეგ მიმართულებებში:

  1. ზუსტი და საბუნებისმეტყველო მეცნიერებები;
  2. ინჟინერია და ტექნოლოგიები;
  3. სამედიცინო და ჯანმრთელობის მეცნიერებები;
  4. აგრარული მეცნიერებები;
  5. სოციალური მეცნიერებები;
  6. ჰუმანიტარული მეცნიერებები;
  7. საქართველოს შემსწავლელი მეცნიერებები.

ახალგაზრდა მეცნიერთა კვლევების კონკურსში გრანტის მოპოვების მიზნით, პროექტი უნდა წარადგინოს ახალგაზრდა მეცნიერმა, რომელსაც დოქტორის ან მასთან გათანაბრებული აკადემიური ხარისხი მიენიჭა კონკურსის გამოცხადების თარიღამდე (2024 წლის 1 მარტამდე) ბოლო 7 წლის განმავლობაში და მასპინძელმა დაწესებულებამ ერთობლივად.

კონკურსში მასპინძელი დაწესებულების სახით მონაწილეობის მიღება შეუძლია საქართველოში რეგისტრირებულ საჯარო სამართლის იურიდიულ პირს (სსიპ), კერძო სამართლის არასამეწარმეო (არაკომერციულ) იურიდიულ პირს (ა(ა)იპ), აგრეთვე, საქართველოს უმაღლეს საგანმანათლებლო დაწესებულებას, რომელთა წესდებით/დებულებით განსაზღვრული მიზანია სამეცნიერო კვლევების განხორციელება.

  • ახალგაზრდა მეცნიერს უნდა ჰყავდეს მენტორი მასპინძელი დაწესებულების აკადემიური/სამეცნიერო პერსონალიდან;
  • ახალგაზრდა მეცნიერს შესაძლებელია ჰყავდეს საქართველოში ან უცხოეთში მოღვაწე კონსულტანტ(ებ)ი;
  • პროექტში შესაძლოა ჩართული იყოს დამხმარე პერსონალი.

საკონკურსოდ წარდგენილი პროექტის ხანგრძლივობა უნდა იყოს ორი წელი.

ერთი საგრანტო პროექტისთვის ფონდიდან მოთხოვნილი დაფინანსება არ უნდა აღემატებოდეს წელიწადში 30 000 ლარს, ორ წელიწადში - 60 000 ლარს.

პროექტს შესაძლებელია ჰქონდეს თანადაფინანსება (დამატებითი ფინანსური წყარო), რომელიც ნაწილობრივ დაფარავს პროექტის ბიუჯეტით გათვალისწინებული ხარჯების ნაწილს.

ფონდიდან მოთხოვნილი თანხა მოიცავს შემდეგ ხარჯვით კატეგორიებს:

ა) ახალგაზრდა მეცნიერის სტიპენდიას (არ უნდა აღემატებოდეს წელიწადში 15 000 ლარს);

ბ) კვლევითი საქმიანობის ხარჯებს (არ უნდა აღემატებოდეს წელიწადში 13 500 ლარს);

გ) ზედნადებ ხარჯებს (არ უნდა აღემატებოდეს წელიწადში 1 500 ლარს).

კონკურსის ადმინისტრირების გრაფიკი:

  • პროექტების ელექტრონული რეგისტრაცია GMUS-ში - 2024 წლის 7 მარტიდან - 2024 წლის 15 აპრილის 16:00 საათამდე;
  • ჯგუფური ონლაინ კონსულტაციები 12 მარტი , 14:30 საათი- კონსულაციაზე დასასწრებად გადადით ბმულზე 22 მარტი, 5 აპრილი; 14:30 საათი (კონსულტაციების ბმული ხელმისაწვდომი იქნება მოგვიანებით);
  • ელექტრონულ ფოსტაზე შეკითხვების გამოგზავნის ბოლო ვადა - 2024 წლის 5 აპრილი;
  • კონკურსში მონაწილეობის შესახებ განცხადების წარდგენა ფონდის კანცელარიაში - 2024 წლის 25 აპრილის 18:00 საათამდე;
  • კონკურსში რეგისტრირებული პროექტების ტექნიკურ ექსპერტიზა, კონკურსის პირობებთან და მოთხოვნებთან შესაბამისობის შემოწმება, ხარვეზების დადგენა და გამოსწორება - 2024 წლის აპრილი - მაისი;
  • შუალედური შედეგების გამოქვეყნება - ინფორმაცია კონკურსის პირობების დარღვევით წარმოდგენილი პროექტების მოხსნის შესახებ - 2024 წლის მაისი;
  • კონკურსის პირობების დაცვით წარმოდგენილი პროექტების შეფასება - 2024 წლის ივნისი - ნოემბერი;
  • დამოუკიდებელი ექსპერტების შეფასებაზე შეპასუხება - ზუსტ ვადებს ფონდი დამატებით გამოაქვეყნებს ვებგვერდზე;
  • ექსპერტებისაგან და/ან ექსპერტთა ჯგუფ(ებ)ისაგან მიღებულ შეფასებებზე დაყრდნობით რანჟირებული სიების დადგენა მიმართულებების მიხედვით, გამარჯვებული პროექტების გამოვლენა და დამტკიცება, აგრეთვე საჭიროების შემთხვევაში, პროექტში ცვლილებების შეტანა - 2024 წლის ნოემბერი - დეკემბერი;
  • საგრანტო ხელშეკრულების გაფორმება და დაფინანსება - 2024 წლის ნოემბერი - დეკემბერი.

კონკურსის მარეგულირებელი დოკუმენტები:

პროექტის მომზადებისათვის საჭირო დანართები

  • პირობები - დანართი 1
  • კრებსითი ინფორმაცია პროექტის შესახებ - დანართი 2, ივსება GMUS-ში
  • საპროექტო წინადადება (GEO/ENG) - დანართი 3
  • ახალგაზრდა მეცნიერის, მენტორისა და კონსულტანტის პროფესიული ბიოგრაფია - CV (GEO/ENG) - დანართი 4
  • მენტორის/კონსულტანტის (ასეთის არსებობის შემთხვევაში) თანხმობის წერილი (GEO/ENG) - დანართი 5
  • პროექტის განხორციელების გეგმა-გრაფიკი (GEO/ENG) - დანართი 6, ივსება GMUS-ში
  • პროექტის განხორციელების ბიუჯეტი და ბიუჯეტის დასაბუთება (GEO/ENG) - დანართი 7, ივსება GMUS-ში
  • ცნობა თანადაფინანსების შესახებ (ასეთის არსებობის შემთხვევაში) (GEO/ENG) - დანართი 8
  • ცნობა მატერიალურ-ტექნიკურ ბაზაზე წვდომის შესახებ (ასეთის არსებობის შემთხვევაში) (GEO/ENG) - დანართი 9
  • განცხადება კონკურსში მონაწილეობის შესახებ - დანართი 10, გენერირდება GMUS-დან პროექტის რეგისტრაციის შემდეგ
  • სამეცნიერო მიმართულებების კლასიფიკატორი (GEO/ENG) - დანართი 11

ელექტრონული რეგისტრაციის ბმული - გრანტების მართვის ერთიანი სისტემა (GMUS)

მნიშვნელოვანი ინფორმაცია განმცხადებლებისთვის:

  • პროექტის მოსამზადებლად აუცილებელია დეტალურად გაეცნოთ როგორც მინისტრის ბრძანებას, ასევე დირექტორის ბრძანებით დამტკიცებულ პირობებსა და შესაბამის დანართებს;
  • ჩატარდება მხოლოდ ჯგუფური კონსულტაციები;
  • დამატებითი კითხვების არსებობის შემთხვევაში, შესაძლებელია შეკითხვების გამოგზავნა ელ. ფოსტაზეys@rustaveli.org.ge

კოორდინატორები:

მირანდა თედეშვილი - პროგრამული საკითხები - +(995 32) 2 200 220 (4012)

თორნიკე სხირტლაძე - პროგრამული საკითხები - +(995 32) 2 200 220 (4133)

იურიდიული და ფინანსური საკითხების შესახებ ინფორმაციის მისაღებად მოგვწერეთ

კონკურსის ელ-ფოსტაზე: ys@rustaveli.org.ge

ფონდი გისურვებთ წარმატებას!


წყარო: შოთა რუსთაველის საქართველოს ეროვნული სამეცნიერო ფონდი

დამატებულია: 12-03-2024

განაცხადის წარდგენის ბოლო ვადა: 25-04-2024 ვადა იწურება

განცხადების წარდგენამდე დარჩენილია: 1 დღე;






09-01-2024

1 წუთიანი ფილმების კონკურსი

10-02-2023

ტურიზმის განვითარება

12-03-2024

Danida Green Business Partnerships 2024

11-08-2023

მერები ეკონომიკური განვითარებისთვის 2 TA

11-08-2023

მერები ეკონომიკური განვითარებისთვის 2 TA

09-01-2024

1 წუთიანი ფილმების კონკურსი

10-02-2023

ტურიზმის განვითარება

12-03-2024

Danida Green Business Partnerships 2024


სიახლეების გამოწერა












Copyright 2018. www.projects.org.ge. All Rights Reserved.
ვებსაიტი დამზადებულია და ატვირთულია projects.org.ge-ის მიერ