„კრისტალი“ საქართველოში მყოფი უკრაინელებისთვის სპეციალური ბიზნესპროდუქტების შეთავაზებას იწყებს
ნავიგატორი
351


„კრისტალი“ საქართველოში მყოფი უკრაინელებისთვის სპეციალური ბიზნესპროდუქტების შეთავაზებას იწყებს

ფინანსური ჩართულობის ორგანიზაცია „კრისტალი“ უკრაინელი ხალხის მხარდაჭერას აგრძელებს. ამჯერად უკრაინის მოქალაქეებს, რომლებსაც საქართველოში ბიზნესსაქმიანობის დაწყება ან განვითარება სურთ, კომპანია ფინანსებზე მეტ ხელმისაწვდომობასა და სპეციალურად მათ საჭიროებებზე მორგებულ პროდუქტებს სთავაზობს. აღსანიშნავია, რომ საქართველოს საფინანსო ბაზარზე ამგვარი შეთავაზება პირველია და მას ანალოგი არ აქვს.

 

ინიციატივის ფარგლებში, უკრაინის მოქალაქეებს რამდენიმე პროდუქტით სარგებლობა შეუძლიათ: სტარტაპ სესხით, რომელიც საქართველოში ახალი ბიზნესის დაწყების მსურველებისთვისაა განკუთვნილი და ბიზნეს სესხით,  რომლის მომხმარებლებიც ის ადამიანები არიან, ვისაც თანხა უკვე არსებული ბიზნესის გაფართოებისთვის ესაჭიროებათ. სტარტაპ სესხის ოდენობა 5000 ლარამდეა, ბიზნეს სესხის კი - 10 000 ლარამდე.

 

ამას გარდა, კომპანია უკრაინის მოქალაქეებს, რომლებსაც ბიზნესის განვითარებისთვის დანადგარების ან ტექნიკის შეძენა სჭირდებათ, ალტერნატიულ ფინანსურ პროდუქტს, ლიზინგსაც სთავაზობს, რაც მათ გამარტივებული პროცედურებით სარგებლობისა და ფინანსებზე გამარტივებული წვდომის საშულებას აძლევს.

 

საგულისხმოა, რომ მეწარმე ქალები „კრისტალ კონსალტინგის“ სერვისების მიღებასაც შეძლებენ და მათ ისეთ თემებზე გაუწევენ  ბიზნესკონსულტაციებსა და მენტორობას, როგორიცაა ბიზნესის რეგისტრაცია, აღრიცხვა/ანგარიშგებასთან დაკავშირებული საკითხები და სხვა. კომპანია მეწარმე ქალებს ეკონომიკური წარმატებისთვის საჭირო და კრიტიკულად მნიშვნელოვანი ცოდნით, ინფორმაციით, უნარებითა და კავშირებით უზრუნველყოფს.

პროდუქტებით სარგებლობა შეუძლია უკრაინის ნებისმიერ მოქალაქეს, რომელიც საქართველოში ომის შემდეგ დროებით ან მუდმივად საცხოვრებლად ჩამოვიდა და აქვს ბინადრობის უფლება. პირველ ეტაპზე, სესხების გაცემა თბილისსა და ბათუმში იქნება შესაძლებელი.

 

„პროდუქტები, რომლებსაც საქართველოში მყოფ უკრაინელებს ბიზნესის დაწყებისა და განვითარებისთვის ვთავაზობთ, უპირველესად მათ მიმართ ჩვენი უწყვეტი და მტკიცე მხარდაჭერის გამოხტულებაა. ომის დაწყების დღიდან „კრისტალი“ უკრაინელი ხალხის გვერდით დგას და ეს თანადგომა უკვე ჩვენი კორპორაციული სოციალური პასუხისმგებლობის განუყოფელ ნაწილად იქცა. წარმოდგენილი სიახლეც სწორედ ამ თანადგომის გაგრძელებაა და იმედი გვაქვს, რომ იგი ბევრ უკრაინელს მისცემს

 

 

წარმატებული საქმიანობის შესაძლებლობას“, - აღნიშნავს კრისტალის უფროსი ბიზნეს ოფიცერი მელანია კუჭუხიძე.

 

ინფორმაციისთვის, „კრისტალმა“ ომის დაწყების პირველივე დღეებიდან უკრაინელი ხალხის მხარდასაჭერად არაერთი აქტივობა განახორციელა. კომპანიაში შექმნილია საინიციატივო ჯგუფი, რომელიც საქართველოში მყოფი ლტოლვილების დასახმარებლად დღემდე აქტიურად მუშაობდა.

 

 


 

წყარო: https://commersant.ge/

28-10-2022

წყარო: კრისტალი

25-05-2023

ვმასპინძლობთ სვანეთს – „ქართული კუთხეების ფესტივალი“ გრძელდება

15-03-2019

მამუკა ბახტაძე: ბიზნესის კეთების რეიტინგში საქართველო მსოფლიოში - მე-6, ხოლო ევროპაში პირველ ადგილზეა

13-03-2019

ტოკიოში საქართველო-იაპონიის ბიზნესფორუმი გაიმართება

23-02-2019

სავალდებულო დაზღვევის გარეშე გადაადგილებისთვის უცხო ქვეყნის 56 438 ავტომფლობელი დაჯარიმდა

23-02-2019

სავალდებულო დაზღვევის გარეშე გადაადგილებისთვის უცხო ქვეყნის 56 438 ავტომფლობელი დაჯარიმდა

25-05-2023

ვმასპინძლობთ სვანეთს – „ქართული კუთხეების ფესტივალი“ გრძელდება

15-03-2019

მამუკა ბახტაძე: ბიზნესის კეთების რეიტინგში საქართველო მსოფლიოში - მე-6, ხოლო ევროპაში პირველ ადგილზეა

13-03-2019

ტოკიოში საქართველო-იაპონიის ბიზნესფორუმი გაიმართება


სიახლეების გამოწერა











Copyright 2018. www.projects.org.ge. All Rights Reserved.
ვებსაიტი დამზადებულია და ატვირთულია projects.org.ge-ის მიერ