|
1340 |
---|
კონკურენციის სააგენტოს თავმჯდომარე ბერლინში კონკურენციის მე-19 საერთაშორისო კონფერენციას ესწრება
საქართველოს კონკურენციის სააგენტოს თავმჯდომარე, ნოდარ ხადური ბერლინში - გერმანიის ფედერაციული რესპუბლიკის კონკურენციის უწყების მიერ ორგანიზებულ კონკურენციის მე-19 საერთაშორისო კონფერენციას ესწრება. როგორც „კომერსანტს“ კონკურენციის სააგენტოდან აცნობეს, ღონისძიებაში მონაწილეობენ: გერმანიის ფედერაციული რესპუბლიკის კონკურენციის ორგანოს პრეზიდენტი, ანდრეას მუნდტი; გერმანიის ეკონომიკისა და ენერგეტიკის მინისტრი, პეტერ ალტმაიერი; ევროკომისარი კონკურენციის საკითხებში, მარგრეტ ვესტაგერი;
კონფერენციას ასევე ესწრებიან: საქართველოს კონკურენციის სააგენტოს თავმჯდომარის პირველი მოადგილე, დავით ჭიჭინაძე; ევროკავშირის პროექტის „საქართველოს კონკურენციის სააგენტოს მხარდაჭერა“ გუნდის ხელმძღვანელი, აურელიო ლა ტორე; სხვადასხვა ქვეყნის კონკურენციის უწყების თავმჯდომარეები, აკადემიური წრეებისა და ცნობილი საერთაშორისო კომპანიების წარმომადგენლები.
კონფერენციის ფარგლებში, კონკურენციის ახალი უწყებების წარმომადგენლებისათვის სპეციალური სესია გაიმართა. სამუშაო შეხვედრებზე განსახილველ თემებს შორისაა: ეფექტიანი აღსრულების ხელშეწყობა - ინსტრუმენტები და პროცესები; კონკურენციის სამართალი და საერთაშორისო მიდგომები; გლობალური საბაზრო ძალაუფლების ზრდის ტენდენციები და გამოწვევები; სიღრმისეული კვლევა-ანალიზი და კონტროლის მექანიზმები; დომინანტური მდგომარეობის ბოროტად გამოყენების დაუშვებლობა, მომხმარებელთა უფლებების დაცვა, კონფიდენციალურობა, თანამშრომლობის პროგრამის მართვის მექანიზმები და ა.შ.
სამუშაო ვიზიტი ევროკავშირის პროექტის მხარდაჭერით ხორციელდება, რომლის ფარგლებშიც ასევე დაგეგმილია ორმხრივი შეხვედრები სხვადასხვა ქვეყნის კონკურენციის უწყების ხელმძღვანელ პირებთან. |
14-03-2019
წყარო: commersant.ge
29-03-2019 ადგილები თბილისში, სადაც ელექტროდამტენები განთავსდება |
---|
15-03-2019 დღეს ფინანსთა მინისტრი, ივანე მაჭავარიანი ამერიკის შეერთებული შტატების საერთაშორისო განვითარების სააგენტოს (USAID) მისიის ხელმძღვანელს საქართველოში პიტერ ვიბლერს შეხვდა |
04-04-2019 აზიურ ფაროსანას „მოიზიდე და გაანადგურე“ სადგურებით შეებრძოლებიან |
08-04-2019 საქართველო დუბაიში გამართულ ყოველწლიურ საინვესტიციო ფორუმზე მეორედ წარდგება |