projects.org.ge
prjects.org.ge
ნავიგატორი
261


სოფლის მეურნეობის პროექტების მართვის სააგენტოსა და CNFA საქართველოს შორის მემორანდუმი გაფორმდა

მემორანდუმის თანახმად, სოფლის მეურნეობის პროექტების მართვის სააგენტოს „ერთიანი აგროპროექტის“  ბენეფიციარებს, რომლებსაც გააჩნია სამუშაო ადგილების შექმნისა და მცირე და საშუალო ზომის საწარმოების (MSME) შემოსავლების ზრდის მკაფიო პოტენციალი, ფინანსურ და ტექნიკურ დახმარებას მიიღებენ.

 

სოფლის მეურნეობის ღირებულებათა ჯაჭვის გამართვისთვის „ერთიანი აგროპროექტის“ ბენეფიციარებისთვის დამატებით ტექნიკური მხარდაჭერა გულისხმობს სურსათის უვნებლობის საერთაშორისო სტანდარტების დანერგვისა და ბიოწარმოების ხელშეწყობას. აღნიშნული ხელს შეუწყობს ქართულ პროდუქციის საექსპორტო პოტენციალის გაზრდას და ახალი ბაზრების მოძიებას. გათვალისწინებულია ტრენინგების ჩატარება და ფინანსურ მხარდაჭერა მარკეტინგის  მიმართულებით.

 

აშშ-ის საერთაშორისო განვითარების სააგენტოს (USAID) სოფლის მეურნეობის პროგრამა ვალდებულებას იღებს:

 

•   დააფინანსოს სურსათის უვნებლობის მართვის საერთაშორისო სისტემებისა და სტანდარტების დანერგვის, აგრეთვე ბიოწარმოების სტანდარტების დანერგვისა და ბიოსერტიფიცირების ღირებულების 50%. უზრუნველყოს საწარმოების ჩართვა შესაბამის სასწავლო პროგრამებში;

 

•   დააფინანსოს მომსახურების  ღირებულების 50%-ი  მარკეტინგის და ბრენდინგის მიმართულებით სააგენტოს ის ბენეფიციარი საწარმოები, რომელთა მიერ გამოშვებული პროდუქცია განკუთვნილია საცალო ვაჭრობისთვის. 

 

•   100%-ით დააფინანსოს სპეციალურად საწარმოთათვის ორგანიზებული ტრენინგები.

 

თავის მხრივ, სოფლის მეურნეობის პროექტების მართვის სააგენტო უზრუნველყოფს საერთაშორისო სისტემების და სტანდარტების დანერგვისა, ბიოსერტიფიცირებისა და მარკეტინგული სერვისების  მომსახურების 30%-ის გადახდას, ასევე, მოახდენს ტრენინგებში მონაწილე ბენეფიციარების კადრების მობილიზაციას და ხელს შეუწყობს ტრენინგების წარმატებით ჩატარებას.

 

სოფლის მეურნეობის პროექტების მართვის სააგენტო ახორციელებს „ერთიან აგროპროექტს“, რომელიც გათვლილია გრძელვადიან განვითარებაზე და მისი მიზანია ისეთი გარემოს შექმნა, რომელიც ხელს შეუწყობს სოფლის მეურნეობაში კონკურენტუნარიანობის ამაღლებას, მაღალხარისხიანი პროდუქციის წარმოების სტაბილურ ზრდას, სურსათის უვნებლობის საერთაშორისო სტანდარტების დანერგვას.

18-02-2019

წყარო: commersant.ge

17-02-2019

კონკურსი დამწყები მხატვრებისთვის თემაზე "ჩვენ მოგვაქვს თქვენთან სინათლე“

03-04-2019

საერთაშორისო გამოფენა - IFFA 2019

03-05-2019

2019 წლის აპრილში წლიური ინფლაციის დონემ 4.1 პროცენტი შეადგინა

02-09-2019

ტრენინგი ბათუმში: ფინანსური ანგარიშგების საერთაშორისო სტანდარტი

02-09-2019

ტრენინგი ბათუმში: ფინანსური ანგარიშგების საერთაშორისო სტანდარტი

17-02-2019

კონკურსი დამწყები მხატვრებისთვის თემაზე "ჩვენ მოგვაქვს თქვენთან სინათლე“

03-04-2019

საერთაშორისო გამოფენა - IFFA 2019

03-05-2019

2019 წლის აპრილში წლიური ინფლაციის დონემ 4.1 პროცენტი შეადგინა


სიახლეების გამოწერა























Copyright 2018. www.projects.org.ge. All Rights Reserved.
ვებსაიტი დამზადებულია და ატვირთულია projects.org.ge-ის მიერ