|
1299 |
---|
თბილისში Car Sharing-ის პროგრამა დღეს ამოქმედდა
თბილისში საზიარო ავტომობილის (Car Sharing) პროექტი დღეს მთელი დატვირთვით ამოქმედდა. კომპანია „აიქარის“ თბილისში 50 ელექტრომობილი ჰყავს განთავსებული, თუმცა საბოლოო ჯამში პროექტში 3 000 ელექტრომობილი ჩაერთვება. „aicar“-ის მუშაობის მთავარი პრინციპია დაზოგო დრო და ფინანსები. როგორც imedinews კომპანიაში განუცხადეს მომხმარებელს შეუძლია, დღის ნებისმიერ მონაკვეთში, სპეციალური აპლიკაციის საშუალებით, იპოვოს უახლეს წერტილში aicar-ის მანქანა და სასურველი მიმართულებით გადაადგილდეს. ავტომანქანით სარგებლობის შემდეგ, ავტომობილის დატოვება მომხმარებელს თბილისის მასშტაბით ნებისმიერ პარკინგზე შეეძლება. aicar-ის ავტოპარკის ყველა ავტომობილი ელექტრონულია. სერვისით სარგებლობის შემთხვევაში, თანხის გადახდა ბარათით იქნება შესაძლებელი და ის როგორც - კილომეტრების, ასევე დროის რაოდენობაზე იქნება დამოკიდებული. 1 კმ - 45 თეთრი, 1 წუთი კი - 8 თეთრი ეღირება და ფასის დათვლის დროს გამოანგარიშება ორივე კომპონენტის მიხედვით მოხდება. ეკო მიმართულებით მომუშავე, პირველი ინდუსტრიული ბიზნესჯგუფის - aigroup-ის პრეზენტაციას 6 აპრილს პრემიერმინისტრი მამუკა ბახტაძე და თბილისის მერი კახა კალაძე დაესწრნენ.
|
08-04-2019
წყარო: imedinews.ge
10-05-2023 Studying New Hiking Trails Training Course - Mestia |
---|
07-03-2019 იაპონიის დედაქალაქ ტოკიოში, კვებისა და სასმელების საერთაშორისო გამოფენაზე Foodex Japan 2019, ქართული ღვინის წარდგენა გაიმართა. |
14-10-2022 პროგრამის ,,დანერგე მომავალი” ბაღების კომპონენტში განაცხადების მიღება 31 ოქტომბერს დაიწყება |
10-02-2023 Applications for AFS Global STEM Accelerators Cohort 1 are Now Open |