პროდუქტები, რომელსაც ვყიდულობთ და ვყიდით რუსეთში
ნავიგატორი
1363


პროდუქტები, რომელსაც ვყიდულობთ და ვყიდით რუსეთში

დიპლომატიური ურთიერთობის გაწყვეტის მიუხედავად, რუსეთი საქართველოს ერთ-ერთ მთავარ სავაჭრო პარტნიორ ქვეყნად რჩება.

კერძოდ, 2019 წლის იანვარ-თებერვალში, საქართველოს 10 უმსხვილეს სავაჭრო პარტნიორ ქვეყანას შორის რუსეთი მეორე ადგილზე იმყოფებოდა, რომელთანაც სავაჭრო ბრუნვის მოცულობამ საანგარიშო პერიოდში 203.6 მლნ აშშ დოლარი შეადგინა. ამასთან, აღსანიშნავია, რომ საანგარიშო პერიოდში რუსეთი საქართველოს უმსხვილესი საექსპორტო ქვეყანა იყო.

„ბიზნესპრესნიუსი“ გთავაზობთ იმ ტოპ-5 პროდუქტს, რომელსაც ყველაზე დიდი რაოდენობით ვყიდით რუსეთში და ასევე, რომელიც იქიდან შემოგვაქვს. მიმდინარე წლის იანვარ-თებერვალში საქართველოდან რუსეთში გატანილი უმსხვილესი სასაქონლო ჯგუფი იყო - ყურძნის ნატურალური ღვინოები, რომლის ექსპორტმაც 23.2 მლნ დოლარი შეადგინა; მას მოსდევს ფეროშენადნობები - 21.2 მლნ დოლარით; მე-3 ადგილზე კი 10.2 მლნ დოლარით მინერალური და მტკნარი წყლებია; ხოლო მე-4 და მე-5 პოზიციებს სპირტიანი სასმელები და დაფასოებული მედიკამენტები იკავებენ, შესაბამისად, 5.5 მლნ და 2.5 მლნ დოლარით.

რაც შეეხება რუსეთიდან იმპორტს, უმსხვილესი საიმპორტო ჯგუფი ნავთობი და ნავთობპროდუქტები იყო. კერძოდ, გასულ თვეებში საქართველოში რუსეთიდან 25.3 მლნ დოლარის ღირებულების აღნიშნული პროდუქტი შემოვიდა. მე-2 ადგილზეა - ხორბალი და მესლინი, რომლის იმპორტმაც 11.2 მლნ დოლარი შეადგინა; მას კი 6.5 მლნ დოლარით ქვანახშირის კოქსი და ნახევარკოქსი მოსდევს. რუსეთიდან საიმპორტო პროდუქტების ტოპ ხუთეულში მე-4 და მე-5 პოზიციებს ნავთობის აირები და აირისებრი ნახშირწყალბადები და ქვანახშირი, ქვანახშირისგან მიღებული მყარი საწვავის სახეობები ინაწილებენ, შესაბამისად, 4.8 მლნ და 4.5 მლნ დოლარით.

10-04-2019

წყარო: bpn.ge

08-04-2019

აშშ-მა ვენესუელის წინააღმდეგ სანქციები ისევ გააფართოვა

11-07-2019

„საპარტნიორო ფონდის” საქმიანობა: დასრულებული და მიმდინარე პროექტების მიმოხილვა

04-04-2019

ტერაბანკი ქართველ ემიგრანტებს ახალ იპოთეკურ სესხს სთავაზობს

15-04-2019

სოლსბერი ბრიტანეთის საუკეთესო ქალაქად დასახელდა

15-04-2019

სოლსბერი ბრიტანეთის საუკეთესო ქალაქად დასახელდა

08-04-2019

აშშ-მა ვენესუელის წინააღმდეგ სანქციები ისევ გააფართოვა

11-07-2019

„საპარტნიორო ფონდის” საქმიანობა: დასრულებული და მიმდინარე პროექტების მიმოხილვა

04-04-2019

ტერაბანკი ქართველ ემიგრანტებს ახალ იპოთეკურ სესხს სთავაზობს


სიახლეების გამოწერა











Copyright 2018. www.projects.org.ge. All Rights Reserved.
ვებსაიტი დამზადებულია და ატვირთულია projects.org.ge-ის მიერ